awal inu s dar willi ferknin

(timyurin n tesgar)

Yaru t: aabahassan

ak ussagh a walli igan mayt ussa yan

a willi ferknin anader nefka sen lusiyyat

ukan isti gisent talli igan may ttasi yan

a tulaft inu pan nejergh tent nesen tent

a talluht inu pan neghra tent n kmmel tent

azemz ad pan ur igi may tamen yan

amadval igrawel ghass ad ixef inu isala nit

ak ussagh nussaken dagh nussa ula wiyyadv

pan abukad igh izwar iwida sfawnin agharas

tisant is ran an kullu dren ukan s yat tikkelt

a bukad ghassad as nehtajja gh dar yat ula tay

a willi zzilnin ghassad awer ikkin agharas

awalli s tennit izzil awer sul isfawen yat

yalatvif matta azemz ad igrawlen yalatvif

a walli s tennit inem ghassad ay miylen agharas

aderdur ar isflid ar ittamezv mad nnan

awalli nit isfliden awer sul iqqayen yat

amadvall igrawel ghassad a rebbi serxu tent

amuc iksud gh ugherda I lewras ifelt

ameksa ur sul iri wulli dar tghrmin as ukin

uskay iksud gh ucen tawrut nes ifeltin

ula azenkd ad n tagant hacan ak akal

a pan yil as idda unili nes ran aman

ula nit islem ad n temda hacan ak aman

apan lebur as idda unili nes ran akal

azemz igrawlen ayad ixef inu sen ukan

azemz n tighar ayad d ilkmen nekrat ukan

anasi ihwicen d ijaad d iberdan nefk italatin

iqqur lebur iqqur usghar iqqur ula wul

iqqur ufgan iqqur uzur tasa twala tent

azemz iga ghemkad amnay as t innulan

ad k ukan nussa f rebbi tamez t lusiyyat

a pan igh urta crrigent as awen tinigh

ad t ignu yan yadlet iles timelsit

ima ighed ared kullu chergent fktent I wakal

pan ighed ared rewint adrent ad tenmalant

ar testay xart negadda ghemkllit neduf

igh urta udirent asidi ad awen ukan nnigh

iceqqa ad nemalant negaddant sul nasi tent

a willi zrinin ka ddagh yufan yaw awal

annan nit gh wawal amazigh adrfiy ihurran

as nna mmakersent agerntagh nerbutent

as nna ggudint xeldent ssarent agh

ad ttafant afessay d rexa ikcem takat

azund aman igh rizen yan imik ukan

art zddigen xar tadun willi tin ikkan

aghemkan ad tega tudert n yan igh isul

ak ussagh n ussaken dagh ayan isalan

ad tilli herranin ka dak nnigh waltent

ima timmimin ghir fktent dagh ukan iwiyyad

iherra jjanuj idlu ismun ak asafar

aghemkan d uferziz iggut leher nes ukan

awalayni asafar lli gis ur illi gh tmmimin

asafar iherran ay gan may ttawi yan

nettan ay gan it madunt nettan as isen

immim remman izid iles nnagh ad t innan

ur gis asayr n tadawt ula win usmmidv

ak ussagh awada s tennit isentent

ad tilli dninin ka dak nnigh ttasitent

tida sdidnin ghir ad jjit ukan I wiyyadv

ad talli iqwan ay zenza yan ukan iran

tamuzunt d uqarid aryal ikcem wayyadv

ad tilli dninin asay ttadu yan ukan iran

tamexmaxt ula tirrugza d txitert ikmmlen

nnan nit dagh imazighen gh yan wawal nnan ak

uccen day gan uccen dat ineqqa yasi t

ima baken ight yad ingha ar as isutul

rebbi serfi pan nekkin d ixef inu ka yuhlen

rebbi surfi pan nekkin d ixef inu kat inigh

a pan amadval meklli gan rebbi walli nit

awilli yad gisent iga awer ikkin agharas

isawl d yan gh irgazen ukan nnanagh

isawled tizi lli gh iger s ugunfus d tuhhutin

isaqs d inna yi d ig wawal nes adrfiy

igh ak nnan tgit amazigh ittafan awal

ara mli krad idvudvan kullu sugrnin

ur ibdi yan d wada ura yak attan

as wangemgh ukan yat swangemt nneghvas nekkin

illa wakal tilit a yafgan tilit a yawal

ad netnin ay gan idvudvan ura yak attan

akal isemgh tuga senkren leghellat

ar gis ikerz benadem ad sin tayafut

asin gis azagur dawer ak illin atig

a yak imendi d temzin ay tasi yan

iwala t ufgan ibnu gis ghemklli ten ran

ima tutlayt ur ak nehtajja ad t nemmal ikuyan

iles iskert id rebbi ar is ukan n sawal

ad nili ay gan lemizan n iwaliwen s neoam

iqama d urgaz igan aqbur ukan nnan agh

azzigh ayles xar tendamt tufit ak awal

aseqsi inu iga ghemkad mac awal nek resan.

(aabahassan@yahoo.fr)