Ah aya adrar yattuyn!!

Tgit amur n idrfin

Ligh izza ufra izuran

Tsfugh tdrfit igumma

Ah aya adrar yattuyn!!

Tzdart an tgert i ignna

Tsawlt s tafukt d wayur

Ur tksudt adfel ula irafan

Ah aya adrar yattuyn!!

Tgit amghnas mqqurn

Yusin tamagit n imazighn

Tgit adrfi idrn i itlili

Ayuz nk aya adrar yatuyn!!

Ur jju tndudit i imdurray

Tumzt acbar d uqryan

Timidvi n isgasn zrinin

Trurtn kra kid iran s gar

Ah aya adrar tgit tgit..

Agadir n najm n imghnasn

Amur li jju ur iksudn tillas

Acku tillit bdda gh tifawt

Ah aya adrar tgit tgit..

Adlis axatar n amzruy

Ligh uran imazighn timitar

Askkil n tifinagh as tnt rcamn

Gh ijarifn n tassili d ufughas d ayir

Ah aya adrar tusit Tamagit..

Tawsna d tighrma n imazighn

Pan latlas d lawras d rif gan imnirn

Akanin tugga f tudrt izdgn n imazighn.

(Timsurt _Ass :25 /2/ 2000)