amadval n igrawlen

yaru t: aaba el hacan

illay yan udar gh tagant

wayyad gh ugharasi

kullu may reba wakal igrawel

grawelgh nekki niti

ihaca uzenked n tagant

hacan ak akali

a dar waman as idda

unili wala yakki

a yan leoqel ka ddars

illan ran amani

ula islem day llan gh temda

ihaca yak amani

anili ran as lebur

ran as ad k akali

hacan idraren tagut

ula ya Smmidi

iqen ughbalu lligh ad tilim

ayamani

a ddunit tegrawel ghassad ight

isen yan isenni

a yan iferken meqqar yuger

amassan icaterni

anafal ay ga ghassad

awal nes ur immimi

awilli nuflnin ka ddagh

yaqlayen tasawenti

awal nes ad nehtajja

gh dar tukki wala kami

igrawel ufgan gh tuzzumet

nnun ayakali

a bukad izwar iwida

sfawnin agharasi

iceber akuray issadu

innay sen curati

nek ay xalden tamazirt

nekkin ad t isenni

ula yan uqji illa gis

nekkin ad t isenni

ihaca umeksa tamazirt

ihaca tuwrutti

hacan idraren n tuzzumet

nnun ayakali

ula ajarif lli gisen

ula tuwrarini

aderdur ar isflid yumez

kak ayawali

awalli nit isfliden

awer sul iqqayen yati

akucam ghassad ibid

isenemt ak ukani

apan isnem kullu tiddi

ikerd as ufusi

amer adar lli dars

illan yusit akki

ddunit tegrawel ghassad igh ak

ad iinit upuyi

muc iksvud agherda

ight yannay leweren asi

uskay ur sul rin tagant

iksvud gh uccan nesi

tagerst ur tri asvmmid

a tera d irafani

tera ay qar usvghar n tagant

ula yak asifi

ula anebdu pan illa gis

may tini yani

ihaca tirgh lli dagh

ukan s ittussani

ad ran anzvar d iggigen

d utfel irin amani

igrawel ufgan gh tuzzumet

nnun ayakali

awilli ghranin ad dagh

ittaren s akali

awilli nuflnin ad dagh

yaqlayen tasawenti

idaren nes as ay ttazzal

wayyis aderfiyyi

afus nek ay kemzen tadawet

nek ayan irani

ima win wayyad ur igi

amer tassasini

ddunit tegrawel ula maggis

ukan ak idderni

illay ladu gh tagant

wayyad gh uzaghari

ula yil han illa gis

ula netta wayyadi

ullah walam asidi

an izar igenwani