Dcar n icumay

yura t: karim kennuf

innexreo u inexrio ur inu ifferfar

ma axarresv yendvar isvuraf ghar deffar

anexrio d ayenni jar ighebrawen iteffar

zi araq ghar unnedvni am tidvarin n yenfar

am arrimet n wedvfer am tayyut tqidvar

yeysin azvru deg ufus hima d xafi tadar

deg ixf inu gheryegh jjigh mummu ad izvar

mani tugha nedyegh ghar tudact n rizvar

a yasqif idennadv a tcuni n mazafar

a tbacurt izeryen jar afar d wafar

nunut ar ami teffar wi tejja ghar deffar

tejja ixemrawen d uxarbir itseffvar

tgaj nunut nnegh igaj akides dcar

tgaj kides temzvi nnegh d tazvyudvi n umoacar

apya dcar n icumay deg uharwar n idurar

ioezza cek uoezzi inder dayek refjar

ma tedjf ac timexsa n temzvi ghar yirar

nigh tamettvut nnec tarwer d ghar temghar?

twarigh ahudri nnec qqerment dayes tizemmar

ittvef di tegherect yarezzu tighemmar

usren ussan nnec a dcar inu dcar

ura d ajdvidv war iqqim itghennej di tbehhar

zzman tugha imezzvi dayec rexxu itewsar

zzman tugha iterghigh rexxu ur nnes yehsvar

zzman d tighargharet isvarredv war itcewar

isghedjay iyerdawen itejj anegh iqecwar.