Tasrit n Ifriqiya

Yura t: Hafidv Bujdayni

Zi tyarja nnem i redden, seswa yi

Zeg ighezran nnem isvebHen, sesra yi

Deg jettvawen nnem immudven, serha yi

Deg ifadden nnem, svudvesv ayi

tittvawin nnem d rebhar, pa yecca yi

tammiwin d taggant, ffar ayi

twangint d amezruy, zvemm ayi

mara mmutegh, deg ur nnem ndver ayi

Gg ayi di turut nnem, soizz ayi ijjen umur

ijjen usari di ddat nnem, war t id qeddi reomar

azvri nnem, char i xafs d izvwan rebhar

char xafs yuzren d idammen x idurar

char d ttirewriwin yedduqzen di redcur

xam tiggest n weynar iqewsen am uyur

tebyes ixef nnes s tasrit n wenzvar

ahewwaq d acemrar x weorur itirar.

ijjen rxezrat deg udem nnem, a yarenni di reomar

ijjen wezmummi zeg incicen nnem, ad ayi yesseddar

soizz ayi mara texsed ghar ijjen umur

Gg ayi deg uhsin nnem am ijjen uhenjar

war d usigh d anexdvab, war d zvwigh rebhar

qa nec d aceqciq, zi tasa nnem dja iweddar

a tasrit n Ifriqya id issajjan x rebhur

u cem yebdvan akidi, u yak awa yeddar

Ggin ayi d asacu di tihuja n “Oentvar”

adren ibriden i gharm d itawyen a reomar

sgharvyen tariwin i dja zi ntayem ijjen npar

mhan asemqar nnem, zeg ires war t itidar

maca: wen yeqqasn aghi nnem oad ad izemmar

oad ad yeysi azvru ad ihejjar

oad ad yessiri bandu ad yirar

x tizeghwin, x ituma, x idurar

a tasrit n Ifriqya wi zzay m gha yesxan

qa cem tfuct isrughan itran

cem d anzvar, i sessawn iyran

cem d adellis, di twangint i yughan

cem d tudart, i xaf negh d gha yenqarn

a tasrit n Ifriqya a Tamazgha n Imazighen.