tinnÇmit n ussuvl

(L'importance de la traduction)

Yura t: mubark blqasm (hulanda)

mara nxzar var mamc ggin jjiran nnv isbbunya (espagnols) d irubbawiyn iwÄn var mani iwÄn rxxu awarni arami tuvatn d inggura n dunict, ad naf blli nitni ssntin (bdan) dg umzwar s ussuvl n tussna n tmura n umaÄal var tutlayt talatint d tutlayin tinamurin nnvni nsn. irubbawiyn ur tuva llan ca zi lbda am mamc djan rxxu. urubba (Europe) t^kkar d zg iÄÃ nns yudjvn arami tufa imslmn maci izwarnasn di tussna waha, udfn d xfsn ra tmurt nsn. irubbawiyn ufin imslmn jhdn xfsn aïïas minzi i udfn akidsn di tmnviwin di ca n tawaratin d umsawal di ca n twaratin nnvni.

 cwayt awarni cwayt ssntin isbbunya d irubbawiyn rmmsn (fhhmn) manis d itkk jjhd n imslmn. xzarn irubbawiyn var ixfnsn uca ufin blli ur thillin ca di tussna d uslmd n tarwa nsn am mamc tuva tggn imslmn dg andalus, lmvrib, istanbul d bavdad. ufin irubbawiyn blli loql arubbawi nsn itwaqqn xfs s tsarrut d uqandaw bac ur itnhzzi, bac ur iqqar ''maymmi'' d ''mavar''. awarni waïïas n timnviwin d umsawal jar irubbawiyn marra s ujllid d umksa, s ufllap d umaru ufin irubbawiyn ict n tbridt minzi d va ssufvn loql nsn zg lpbs i tuva di illa. ijj n waïïas irubbawiyn xzarn mlip var imslmn, lmdn tutlayin n waorabn, ifarisiyn d iturkiyn uca ssntin qqarn min urin imslmn. awarnas ssntin ssuvuln min qqarn var ilsawn (tutlayin) nsn (talatint, tasbbanyut, tafransist, taglanziyt, titaliyt d talimant). iyabaniyn ggin kif kif am mamc ggin irubbawiyn maca iyabaniyn ggin manaynni s ict tfssi tmvar x irubbawiyn arami tiwÄ tmazirt n yaban var mani tiwÄ rxxu.

aorabn, ifarisiyn d imazivn dwln var dffar n tmura n umaÄal arami ur sivin ca var zzat di tussna d ulmmud d uslmd. arami irubbawiyn tuva ssufuvn d loql nsn zi lpbs, rxdnni i tuva ssadafn imslmn (s imazivn d yinnvni) wnni nsn di lpbs. rxxu iqqn d ad ssntin (bdan) imazivn marra ad ggn min ggin irubbawiyn 400 n isggusa zgåami: asufv n loql zi lpbs nns d ussuvl n tussna d tiknuluji var yils amaziv. tiknuluji n intrnit d infurmatik n wass a i idjan tzmmar ad tsfss manaya bzzaf. xminni i din va ilin aïïas n idlisn i itwarin s tmazivt niv i itwassuvln var tmazivt ad ili vr tmazivt ijj n wmcan icna jar tutlayin n umaäal. uca ad idwl itwassuvl zi tmazivt d vars am mamc itmsar i tutlayin nnvni.

 iqqn d ad nssnti rxxu qbl i tiwcca!