Azul , iman n Azayku
Yaru t: Hha Oudadess
Azayku ! Ah Tagmatt!
Temmuttit,
Ur idd is temmutt.
Seg Porus, winnex Hêro,
Ayd ssenx,
Imazighen, ur da ttemtaten;
Ghas da ttemuttuyen.
Macenn keyyin,
Zik ayd teddit,
Urta ghifes negi.
Dduyt, ur yad ac temmim;
Teghlit s agemmadv inn.
***
Ah ayd nnurzegh,
Tafuyt ad ur ax teghley!
Azayku izrey ax,
Abehri izwar asen.
***
Mani tatvfi n umezruy,
adday ax tesfawet?
Mayd iqqarvn isefra,
S ugerdv lggwaghen?
Mayd anex ittinin:
Flat amexlaw,
Urta yukiz gellin?
***
Meqqarê temray tudert,
Irvezv usallaw tadsva n ku yan,
Tidett dark tfaw;
Azenzerv, zund uzzal,
Ibbi nn tillas.
Azmummey n umesnaw,
Izrvi nnek ag tezrvix.
***
Ah Imazighen! Amur nnun,
Imeghiyen, Azayku izzvaten lli;
D ifsan,
S tayri, ikka da izuzzur,
Ad ur mecijjiyen aman.
(Rrebadv 12-09-04)