Tutlayt n tmazight d wadaf n imoraq

Tura t: Mayssa Racida Lmerraqi (Bentveyyeb, Nnadvur)

Axmi d itades usgenfu n unbdu, tadfen d tarwa n tmurt nnegh zi regnus n barra ghar tmurt tayemmat nsen. Marra wen yenoarqen ghar ca n tmurt itadef d, itass d ghar wamur nnes. Ntesra di yarradvyu, nzvar di tilibizyun deg ighmisen xef usewjed i d asen itwaggen i ymneoraq a d usnuju nsen, ar ami ntaf marra min d ioeddun u mermi mma texzvared di tilibizyun aqa yessawar xef tdewra n immneoraq d manis d gha kken? Agharrabu i di d gha nyen, pa wenni n Nnadvur pa wenni n Tvanja. Talghut n tmurt nnegh war ghar s bu wneghmis ihews itt mghar ineghmisen n tadewra n imneoraq. Aked ughezdis n manaya marra  mara negga tittvant i wuttvun n imneoraq n Lmughrib yedjan di barra i tmurt ntaf 1/3 zzay sen ssawaren tmazight. Danita nexs ad nessen talghut n wamur wi gh ad tessawar? Wi aked temsawadv s tutlayt n taorabt ma tasatatc tamezwarut tesghuyyu rami war tegzu ura d awar deg ineghmisen n wamur nsen, maghar nitni fghen d imezwura, fghen war ghrin war ssinen mghar awar n tyemmat i yedjan d tmazight, arni ghar s tasatatc tis sin iruren di regnus nigh mgharen din snen mghar drus zi tutlayt tayemmat n tmazight i remden zeg marawen nsen d tutlayin nnedvni n regnus i di oarqen tinnin ughir xaf sen ad tent remden, u marra itnegh nessen imxumbar aked itemsagar umeghrabi mahend ad ighar tutlayt n taorabt i zi gh ad imsawadv nigh i zi gha yegzu talghut n lmughrib. Suya tufun d marra imeggura ya tagin ad adfen tammurt nsen zeg imxumbar i tafen deg wadaf  u yamxumber ameqran netta d amsawadv aked wennedvni. Arni ghar marra timesrayin a imenoraq rebda tiri ghar sen tayri mahend ad snen min itemsaren deg wamur nsen, maca wanita d ijj n utarras itoawad u yetcetca yeqqar: Neccin zi barra n tmurt ayt bab n 60 – 65 di buhber nnegh nxezzvar di tilibizyun n lmughrib maca war netwiri war nkessi mghar awlaf ioeddu wennedvni idveffar it deg ineghmisen n tmeddit ghar 21H:00. I neccin mammec gha negg u nessen mara ura d awar war t ntegzu??

Axmi yina i xef nessawar war ghar sen bu tesghart di tmurt nsen n lmughrib am ijj n wamur nsen ad zzay s acan ura d nitni d tasghart di tutlayt nsen ad tiri di tilivizyun i d asen issawadven refwah d tazyudvi n tmurt manis fghen, u marra itdnegh nessen belli wenni yefghen tammurt nnes yefgh itt d aghir xaf s maci d afuntrt zzay s amenn yeqqar imedyeya:“Wi gha yarewren zi taddart n trid”.  Aked manaya marra ticcen atig x sin n twaratin.