Xnifra nnegh(4) 

 Itaru t: Saoid Bajji (umdda) zi Xnifra

Teqbilin izvayan:

Ibdvan izayan xef sin nidv n svusv ixatar:

Ayt Krat d Ayt Harakat.

 I - Ayt Krat:

Idj uzgen (nsvadv) n izayan g llan 5 (smus) n teqbilin, yumzven luqer, yen takssa d lpem nsen.

1 -  Ayt Oammu u Oissa: Taqbilt ad mi llan imezdagh nnes g idis afasi d uzvelmadv n Mrbio, idisan ad oerqnin s 15 km.

Ayt Oammu u Oissa n Djbel mi llan Ayt Ccart d Ayt Xuya inyerasen d Mrbio s umata g Djbel Uqllal, igherman: Asul, Taxulant, Buwlmu, Igara (manig tella temdint n Fazaz), tamazirt ad g llan tsufa idarren d yitgel.

Yili igherm axatar gher tenjaoen g lmectut g taddart tey telmut umzil d isarfan ansiwen n kessa nsen, xef idis azalmadv n Mrbio (Azaghar).

2  - Ayt Bumzvil i zedghen g Djbel ioarqen zeg Xnifra s 40 km xef idis afasi, tamazirt ad azeg zeg tazlan wallen i d yuttvun g wasif n “Seru”.

Ar tenjaoen g lmectut gher s igherman nsen g Lberdj idis wasif n Mrbio s umata g adday ikkat utfel g Djbel mi tiwedv taghzi nsen ar 1600 m.

3 - Ayt Bumzugh i yzedghen s umata g Bugdjiy g igherman ixatar yemzven xef idis anafella Ujdir, tey “Tendra” i llan xef idis azvalmadv n Mrbio yuras d Imrabdven (Ayt Sgugu) adghar gher tenjaoen adday qrifen wussan.

4  - Ayt Buhaddu: Taqbilt i zedghen Sidi Omer inyer n Xnifra d Sidi Lamin. Taqbilt ad izvran kigan n imenghan nettat d imehzan d itnissufghen zeg Xnifra, idjan d kigan g umezruy n izayan, naf taqbilt ad ugha d tenjao gher Djbel Ujdir d Uglman.

5 -  Ayt Lahsen: Taqbilt ad gher itoayed lasvel nnes gher taqbilt icqqir i zedghen g idis n Walmas, llan dawasen Curfa.

II -  Ayt Harkat:

1 -  Ayt Moi: Taqbilt ad g llan sin ighsan ixatar:

-           Ayt Qessu (Ayt Rehhu, Ayt Ikku, Ayt Qessu, Ayt Mansvur)

- Ayt Bni Oli (Ayt Azzuz, Ayt Bni Oli)

Taqbilt idur i wgelmus d igherman n: Tindel, Tawraght (inyer n Teggut d Tendra), ires n Zayar, Turtut…) yili igherm axatar g Djbel “Admer n Ayt Moi” gher tenjaoen g unebdu.

2 - Ayt Haddu Uhmmu: Llan inyer yidis anafella d ufasi uglmus, taqbilt ad ngher ur illi ca umezruy.

3 -  Ihabbaren: Ibdvan xef sin ighsan:

-           Ayt Haddu Uoali

-           Ayt Oli U Omer

Illan g idis azvalmadv i wgelmus d igherman: Sidi Hsayn, Tighremt Uzumag, Talat n Uglmus (inyer ugelmus d Hdurt)

4 - Ayt Soid Iccu: Taqbilt imqqur g llan imehzan ibdvan xef id sin n izegnan: Ayt Lehsen U Soid, Ayt Ccart.

-           Ayt Lehsen U Soid g llan ighsan (Ayt Oellal, Ayt Bni Icci, Ayt Xuya, Ayt Buhu, Ayt Musa). Midur imezdagh nnes i Wqallal, aruggu d Djbel inyer n Seru d Icbukka.

-           Ayt Ccart: illan uruggu d waskar n Ayt Ccart ighsan n Ayt Oeqqa ag llan imehzan, ntafa d g meggan ansa g Xnifra.

5 - Ayt Buhmmad: Taqbilt ad i zedghen ighrem n jen almas d yumzven xef Ayt Oammu Oissa zeg idis afasi, ioerqqen xef  Xnifra s 25 km.

N.B: G uttvun d iddan ad ssiwlegh kigan xef ighsan n teqbilin izayan (Ar yetwadvfer).