Tungalt  n yict n tnegmit (Histoire d’une revendication)

Yura t: Umdda zi Xnifra

I)ASEM YISSEN:

Ikccem (UDA) g ugdud n ugharim s teowalin nnes, d immzzirg xef tenbvadvin d ikabar isartaniyen. Iskwa d UDA tankra nnes zeg "umussu n umsenkar umadan" zeg usggûs n 1906, d ifghen zeg wacal n Lmughrib, g uxub neg ilal ufgan, i wumussu dat as asemghur s tedlsa d wawal amazigh, idegh (ackw)  netta ad xef teskwa tefganit tamughrabit irzzvn s umsentel n tsertit usenf d idja n urummi s umata s imriyen zeg: 1912 ar 1955, d tinnuzgha n ittwagin xef tedlsa ya zeg "ubddur n twuri aghelnaw" g tusi maymi teya isem n "Tutrawin umadan amughrabi", hema ad tesmsasa inyer n tenufa n sin imussuyen: Amussu ughluy d unqqer, jaj n ubddur asggûs n 1934, d wubuy n tadiyulujit n yits isartan ioutrir yumzen tanbadvt zeg urummi s isttagen n "Aix les-bains 1955" hema ad rrin ayedda ya ateyyin d umegrad "lfulklur" d inzzghen imssaraten iran ad iolu ma ur djin ioli g tgharmatin umadval.

II) TIRSAL (UDA):

Zeg jaj uxub a itwagin xef imazighen g tmazirt nsen, d unzwum n imezdagh n  Lmughrib, lûl kigan isalmaden d imerzan g wawal d tedlsa amazigh, afin midden a is d amezruy n imazighen ittugh suya twagînn kigan n temsmunint g usays a, hema ad rrin addur i ymazighen, d usektiy s umezruy nsen, asin waraw imazighen taghawsa ya, s umata g tesdawin sersinn temsmunint ass n "5 ghuct 1991 amqqun ugadir" xef wawal d tedlsa amazigh, amqqun isghuyun s temssumant s ghay ittwag wawal amazigh; awal aghelnaw g temendvawt n Lmughrib, idis n yits n tghawsiwin dvnini isenyissin s izerfan n wawal d tedlsa g maggan asays.

G 19 febrayer 1994 ssifden temsmunint icet tabrat itatter zeg "usanbvadv amezwaru" d "umghar n usqqimu n lberlaman", lla tettren tararit xef tutrawin nsen g usays n:- - tedlsa d useghra.

- Arqqes

- Izerfan ufgan

G tenqqitv ad ticcartv lla tettren temsmunint advakal izarfan wawal d tedlsa ufgan amughrabi s usikkem wawal amazigh g isqquma n tghawsiwin usddur, tey awal amazigh d wawal aghelnaw d umsenbadv hema ad is ittusawal g tedbalt d tesnbvatv d magan ansa, imidden ur ssinnin taorabt.

G 1 mai 1994 d tesghuy temsmunt n "telilli " g Rracidia s tutrawin (UDA) ghay adjin tanbatv n Lmughrib ad tekrif imeghnas ixatar n temsmunt ad, asin mestan imazighen taghawsa ya, fir n manig ur rin imekrafen ad ssiwel s ca n wawal dvnini bela tamazight jaj n tesnbatv. Afin inabvadven is yan mas gh ad tekker tegrawla g tmazirt s umata s tdvuri d yan imazighen gher s izniqen.

Ffir uyen issiwel "uglid g 20 ghuct 1994" inna is iya yirs amazigh idj g irsawen gh ad nsghra, iddegh as uznen temsmunint icet n tabrat lla tetren zzik s s umata g uzemz n usentiw uoddul n temendvawt lla zzik s ssuturen adiy datas awal d tedlsa amazigh g issumawen nghad iddun, bela man ttu "asqqamu n umezday" neg tamu mraw d sdis (16) n temsmunint timazighin, cwi amunt g ugraw amadval g llan temsmunint imazighen umadval: Diaspora, Granada, Ittwargiyen, Algérie (kabylie),...

Iddu wawal s imci ar 1 mars 2000 g ssifden imazighen "Ameskan amazigh" hema ad yin agraw xef uya g Buzniqa (Buzniqa I) zzik s i tteffegh trabbut taghelnawt n umeskan amazigh, isugiden iwegraw ghay isufghen imazighen zeg tedlsa gher s tesrtit, s yism "Agraw n Buzniqa II" g 22 -23-24 Juin 2001, hema ad tegdel tenbatv abrid dat n Imazighen yamun g ugraw ad.

Assn 30 juillet 2001 issiwel ugllid inna is iqqen i tdimuqratit yat tuzzert tadelsant, yakz udabu amafellawi akk n tamurt nnegh s tmagit tamazight, aren tetter i Rebbi ur itteg uya alapa xef tsertit n Lmughrib.

Umdda, ass n 15/08/2001 G Xnifra