Asif n inigiyen

Tura t: Aïcha Aït-Hammou

Mayed yaghen ayed degh n wasif da yalla,

Mayed d as innan ka, allig ur da aku itfeseta,

Sawelegh as, nnigh as, awa isen terit afella,

Inna yi upu, da yallagh i widda ittun tala.

I wadda ur issin yad mayed iga, ula mas idda,

Aret ittawiy uzewu, aret katten t tefikca,

Ddagh g ira ka ikes asen, tella dikes taweda,

Ggid idda izeriy, ittes isul dikes amm tamena.

Nnigh as i wasif pan ayennagh ttinim ur illi,

Zerigh medden, ar ttinigen seg lli yat tenutefi,

Afad allin ass ma yila, ad as d aliyen ar imi,

Netta tala uren tebbiy awed pah i yat tanumi.

Imettvawen ur llin g xes unna ghur illa wul,

Ar ittebbiy, ur yufi mayed as isseker a yghul,

Unna mi t inna, yini yak, ddu gen a yaghiyul,

Ared ddagh g tenekert, teziret agherun is asul.

Tafuyt dad ttaliy ku yass, g igenna yili wayyur,

Llan iteran g ygenewan, tellit a tafuyt, g umur,

Izeran da sawalen i bu imeziyan,  gin as asemun,

Awal inew ur igi awed pah i wanna ur itemunn.

Aïcha Aït-Hammou

Amawal:

Afad : pour que, afin que, en vue de. - Afella: Sur, au dessus, en haut. - Amezzugh, imeziyan: L'oreille. - Azvru (pl. Izvran): Roche, caillou, pierre. - Azewu, uzewu: Le vent - Ddagh: Quand, au moment où. - Ggid, ggit: La nuit - Igenna (p. igenewan) : Le ciel - Imettvi, (p. imettvawen): les larmes - Nigiy, inigiy: Inonder, déferler. - Izir, izera: voir, regarder de près, observer. - Tafuyt: le soleil - Tamena: Un insecte. - Tanumi: Droiture, dressage. - Taweda : la peur  -Tefikeca (ou tifikketecet) : la chute sur un obstacle. - Wadda (pl. widda): celui.