Mammec as..?

Yura t: Waccix Mhemmed (Leosara, Nnadvûr)

Munent id …

Munent id, ca itawi…

Ca itawi d.

Ifqiqqisen d rum,

Anuri d aremrum,

Ur s umutten ighum,

Ires x wawar izvum.

Munent id…

Mammec as i yexsan

War ghar yedji weysum?!

Mammec as a razv n tudart,

     I yseyman umadan

     War yufin ura d adjes n uhemmum?

***

Munent id…

Munent id, ca itawi…

Ca itawi d.

Yeqbubbi d umuttven

Marra wenni yucan izedgh idt wemnus.

Tugherma tneqq tudart s udveffus

Anaruz di tiwecca yudrus…

Afegan war yessin mani yeggûr.

Ura d mani yetnus

War yessin mani yettvaw

Ura d mani yetnus.

Munent id…

Mammec as i waydud

      Yeqqimen deg wfus…

      Am rounsvar di tmûrt n umirus?!

***

Munent id…

Munent id, ca itawi,

Ca itawi d.

Min gh ad tegg tfawestawect

       N “Fawvest”

I wûrgh i ydewren d tnifest?

Min gh ad yegg ucar…

I min yetwazzvun di tikkest?

**

Munent id…

Munent id, ca itawi…

Ca itawi d.

Ca yewdva, ca yuri d,

Ca yemharwacc d ig usvemmidv,

Ca yizwar d i webrid.