Asgwas n 2960/ 2010 d ijj n usgwas i mindi arghint attvas n tifawin xef tmazigh. mamec teffud tmazight ghar tira; targeb d tfuct n tesghunt n tifawin n arrif. Tasghunt n taskla tamazight. tewwedv tmeghnast tameqrant mayssa rachida El marraki s tzemmar nnes i tegga umi taysi attvs n imunas d wattvas n tusmin deg wur nnes. umi twara nettat billi war yeqqim bu ltva i yidvesv texs ad tekkar ad tarzvem tiwwura ig ibeloen ad tessaregh tifawin ig ixesyen tewwedv ad tessaregh ict n fawt temghar deg iyyar n tira s tmazight. mammec nessen marra billi tmazight attvav i tekka war teswi zi tara n tira . u tifawin n arif d ijan n yetri yemghar deg ujenna n irifiyyen s min ghares d ar timasrayin yecnan iyewdan nnex huma ad snen tusna d usneflul nsen ad gharen xef umezruy n inuba nsen ad snen tudart nnex yarazgan ag yenni immexsen aray n tmazight ghar ujenna d ixadjadan dayes itxedjaden huma ad as qessen izvewran n unaruz i zi ghar tsseghmi afriwan n timesna nnex ad ayes nghen tudart ad qessen afriwan iwajdid i zi ghar idvu bac ad issiwad ixarrisen nnes

Maca mana ya yemghar xef tizammer nsen imri ghar nex attvas n tifawin am ta xef negh tesseregh tamghart a id anegh ad yarin cwayt n tfawt i zi ghar nassen balli oad ghar negh cwayt n yewdan ig ikessin imunas n tmazight. u neccin xef manaya neqqar as i tamghart a ayuz i cem u netraja ghar m ijen rhajet temghar a tfawt n imazighen.

Nessitim ad arren taynit imazeghen i tira s tmazight i gh ad ixedmen tutlayt tamazight; rxezrat nnegh ghar tesghunt n tifawin n arrif d ijj n rxezrat i di netwara ixef nnegh d teskla nnegh d marra min yellan nnegh d wermad i nermed zi tudart nnegh yarezvgen; a mamec tifawin n arrif tessadas taskla tamazight ghar umghray amazigh ; nessitim i tesghunt a isvuraf ghar zzat huma ad tawedv ad tessiwedv tabrat ghar ragwaj. nessitim ad tawedv ad tefsar di tmezgha marra ; ntettar zeg yewdan i kessin imunas i tmazight ad ggen tizemmar yemgharen huma ad nessigh fus i tesghunt a huma ad tegg isvurf ghar zzat huma ad kides nessvurf ura d neccin di tfawt nni illan nnegh marra, amamec nessen marra billi mara tfawt nettvf it deg fus negh ura d yejj war izemmar ad xaf negh t issexsi.