ndvar xafk dduri ,
smuqqel tfuct zi mermi i d turi,
sghuy, ndvu, ini, tanukra ad tiri!
tisudvar ad arzent s imeydi,
s umjar ad nekkes ariri,
kker a yedji, bedd a memmi!
njjiwen zeg idves di tiri,
tuzva ghar negh tigwdi,
yuri d itri attvas zeg ami.
ruxa qa d ass n tnecri,
sghuy, bedd war qettvu ticri!
hima tamaggit negh ad teghmi.
zwedv xafek taffiwin n unuri!
fus deg fus tsawent ad tt nari,
ad nawedv ghar tqicewt n tirelli.
kker a yedji, bedd a memmi!
ad nsmuqqel tifawt n tziri,
ruxa qa d ass n tnecri.
ur negh tuzva ghars tigwdi,
tayyut tegga negh tghufi,
ixarriqen arrin anegh war nedji.
