“Min ggin imezwura?

Mani oad imeggura !”

(tasedvma n Tidrin)

Zi min iqqimen cwayt n ifawen,

Xf ibehrar n ughedjuy…

Ad itwangru d acemmus ighryen,

Di tefray n umsafadv.

Xenni ajenna ad ysfedv,

Min day s d itri yuyer!

Xelli taslit tedjef i wenzvar (1)

Nnufsren iseghwan,

D iyuren oeddan d imeddiwen(2)

Zzugarten, smdven…

Ak ucemmudv icaren,

Idvwrn d anifes(3)

Ghar imezran inndven ak ufqiqqes.

Luneis yendvar tzadjit

Oanti(4) ad trur

Zg ussan n umettin n tmurt (5)

Lunis ad inegh tigweda…

Lunes ad innezwadv

Tamurt ad tsfedv

Min day s d ahwes.

Tizmilin:

(1): da yemsar usidef n umeyey n teslit n wenzar, amyey a iqqaren belli Anzvar akuc n waman ixes Taslit, maca tameggarut a tugi, xenni Anzvar yeddiq yugi ad yessepwa aman, taslit mahned ad tssnjem ighref nes zi tzawa tewca ixf nes i wenzvar.

(2): awtem n tmeddit

(3): awtem n tnifest

(4):ijjen wakuc itmezzaghen xf ighref Amazigh, itaym d Taqsuhi nes zi Tmurt.

(5):d ijjen n wawar iqqen ghar tadelsa n tmecrzat ghar imazighen, qqaren belli tamurt tmetta kuy uyur n sdvis u teddar awarni i ssvmayem.