Xf taqsuhi n yidv a

Uzghen isutar n tmzvi ighudan

Ttrugh imettvawn ,

N tmurt timghwweght

Nec, ttugh imettvawen inu…

Ksigh ahissef i Tipeya

Ttugh ahissef inu.

Uhregh, uhregh a yemma

Zg isekkilen

Zg imoarriten

Zg imxentisen

Ur ufigh ca n tifawt

Dgw ass a issudjsen s uqettves

S ukarfes.

Uhregh a yemma

Xsegh ad ssentigh tadura

Ghar ucal ishridjizen

Ghar radjagh n tayyfart n tmettant.

Ak kuy tameddit toedda

Itxttutur d uzuyett

Jar tizza n wakud

Ghar imedvran n tudart

Mani ilellec uxenzir

Di arrimet i ur itmettin.

Xf taqsuhi n yidv a

Isscmdven tannect inu

Issuyes wadu deg umeghrad

Tedvwa… am tfarttut

Am ussan n temzvi inu icnan.

(Andich idir, May /2960)