Gujil n assnatv
Yura t: Salah Ngab (Libya)
Assnatv tamzva terna
D si negh mendi oukrun
Gujil yenghu baba
Yetcu ayetmas illzvun.

Yeddert assnatv assa
Yekrez tamurt amdun yeqqer
Yunir iysergh tlaba
Gujil mi yizmir ayemgher.

Ibrid yezzegret guda
Yugur amatvu d yuded
Gujil iysenz tmura
Memmis assa mammek yemred.

Yedderghel manis yetta
Am wugrifew yedder imlun
Mi yufa n taslit tawiza
D iles n memmis iyzun.

Tudkal nnes isaly n wujenna
A rabbi surfiyyed yemlu
Mi tezmir ataly tawtra
D am babis memmis yenghu.