tiktiwin x tanflit n tmazivt

yura t: mubark blqasm

marra nssn blli aslmd n tmazivt dg ivrbazn imnzutn ur iggur ca mlip. nzmmar ad nini aslmd a itqnunnuy di "ddruj" n lirkam d wnni n tmawast n usgmi anamur am xzzarn imxzaniyn axmi xzzarn di ca n "matc" n tcamma.

 taxssart tamqrant twïïa x tmazivt s imant nns. mcpal ma tqqim tmazivt ur ttwaslmd mlip dg ivrbazn d tsdawitin mcpal ma i va tdwl tlkek bzzaf. s wammu tmazivt ad tqqim tddakæal var dffar cwayt cwayt ar tdwl ssawal tt ca n sin niv kraä mlyun imvrabiyn izddvn brra i tndint!!

minzi i d varnv iqqn ad naf tibridin i zi vad nlmd/nsslmd tutlayt tamazivt nnv bla ma nraja lmxzn. Iqqn d ad ngg yan n uvaws (plan) i zi vad nssnta ad nxaëã mamc vad nsslkm asnfar a.

 dg intrnit:

llant dg intrnit timiäiwin n wibsaytat issawaln xf idls, tutlayt niv invmisn n tmazivt maca llan din drus n wibsaytat ifssarn ca n tmsirin x tutlayt tamazivt. manaya yuccl as ur itvimi ammu. Iqqn d ad kkarn imazivn (zi tamazva marra) ad ggn ijj n wibsayt dg intrnit ad days smunen marra tijrrumin n tmazivt u ad days ggn imawaln imazivn (tamazivt-tamazivt; tinglizt-tamazivt; tafransist-tamazivt; taorabt-tamazivt...) d tskla tamazivt s uskkil n tifinav. asnfar a ad ywc i marra imazivn itadfn dg intrnit timsrin x tmazivt s ubnnan (baïl). s wammu ad dwln imazivn ssnen tutlayt nnsn mlip waxxa ur tvrin dg ivrbazn arami tuva tn d imççyanen.

 multimidya:

multimidya (Multimedia) tdwl rxxu d taxatart bzzaf. iqqn d varnv marra ad ngg min nzmmar bac ad nlmd tiknulujya n multimidya puma ad nzmmar ad ççiyrw tanga n tilifizyun d ifilmn s tmazivt. amcnaw, ass a, istudyutn n sini imqranen di tmazirt n amirika ur tuva llan ca zi lbda d imqranen! ula d inni ssntan d imççyanen aïïas. maca s uziyyar d umyawas d tsflda var mamc itxmmam wfgan amirikan d min itxs, mvarn istudyutn nni arami idwl umaäal marra ixzzar d varsn u iäaffar itn!

awd, yuccl d ad nkkar ad nrzu mamc va ngg tilifizyun adigan (TV locale / antenne) s tmazivt. tilifizyun adigan ur itettar ca bzzaf n idrimn am tilifizyun n satlayt. mara iwän imazivn ad varsn tilifizyun nsn s tmazivt, ad idwl uzyn amqran n imvrabiyn ur ixzzar di duzim (2M) ula gi lmevrib (RTM) ula di tilifizyun n waorabn. ad dwln marra xzzarn di tilifizyun amaziv anamur.

ifilistiniyn llant varsn timrawin n tilifizyun adigan (TV locale) waxxa nitni d imçlaä u ur ïïifn tamurt nsn !!! mavar nccin ur ntgg am nitni?!

marra min vad yini utarras illa: imazivn zmmarn ad awän var mani xsn mara bäan tawwuri jar asn u myawasn.