Tamcput
Yura t: Salah Ngab (Libya)
Islyght it tamcput
Islyght it tanfust
Temlt it nanna
Islygh s tamarut n imettvawen
Islygh s tmetent n tedsva
Tedrez di wull tawurt
D wugdegh
Wugdegh guda
D sistneght it nanna
Immay nedder tamcput
Immay ur nessal di wudjag
Yetenneg yemmal di awal
Iyderrez mammek tidet
Ilya iyderrez di tawurt n wujenna
Immay ur nezzer di wusman
Yetseken many netvlunt it tusna
Negh many tabrat n gujil tutva
Yetsyuel af yunnes
Yetsyuel af ayetma
Yemmal asut
Asut
Welyuc terkeft ur temda dis tugurya
Welyuc dis tufut
Welyuc asly asnaf tselut
Welyuc wil wuryntc amezru n dyca
D islygh sis tamcput
Dis islygh afgan aderghal yemmal
Yetutla af ass yezru amdan yugged
Yugged af mimmis
Mimms mammu wudm nnegh dis
Yuged aysesten di ass n wussan
A baba
A baba many imezwaren illan
Many iskilen n tera nssen wutan
Lmy wussef yuss d
Iysutva yiwa
Iysutva tiwa
Mamu yuker ifriwen n tmala
D lemmy ad neffegh s tamcput tupa
D tidet nnegh ad tedwa.