Awal n usussem
Yura t: Salah ngab (Libya)
Redmun ighfawen saddu tamurt
D imlun tregh s tafya nnes tufut
D may wukzun senzun in tattut
D si meghregh, ghry tittvawin wukzegh
Imlun d: sussem d aknagh tsilut.

Zvunnun tanezzaght, yutva zvettva
Seghrun ara nnsen mammek terwla
Imlygh asen: iytvaren rahu in tugurya
Imlun d: sussem , d aknefk idrym
D aknerni di tzvallit nnegh tawtra.

Amghar nnsen amawal yentvel
D yemlasen af azetvaf rahu mellel
D si imlygh asen: s tmura tanmmirt terwel
Imlun d: sussem ad k nedj amezwar
D imel n ara nnek may netcin nemma.

Sestnun d irrun: awal nnek d tkerkas swa swa
Irrygh ghefsen: iytci zerregh di tghawsa tella
Wil imlunidc sussem, wil imlunidc cra
Islyghten tetcawrun, imlun: imlut ahydug
D islygh memmi yemmal may imlun flla.