Tawiza

Deg akud d yijj mani i ntesrva aqa tasemlit (commission) yemmi yemmuc wardvin ad tessujed (préparer ) tamendvawt (constitution) d tamaynut i tmurt n Dijla d Lfuratv wwint id jar asen x tmeggit nnes, s baba s uyemma s , nigh temmekes tmunen dag s  timeggitin nnidven aked ughezdis n tenni n taorabt, (deg akud d yijj mani ntesra manaya) ntaf attvas n imarayen nnegh kkaren sarven bedden ghas sedjen i mass   ABERKAN, yessiwer deg wberlaman s tmazight (tarifit)...
-"Upu, manaya itwarvem war itirvi.. awal s tmazight deg wberlaman nnegh war yedji d azerfan.. awal s tmazight iteffegh wammak n tmendvawt, taorabt nettat wapa ig yedjan   d tutlayt d tunsvibt gi lmughrib nnegh."
-"Iwa irva   nufa s t    itefransist id yetmunan aked  taorabt, ma rexxu d taberbarit   i ntesrva ."
-"Itwarvem anegg ci.. ur ntijji ict n tutlayt aqet abarra i tmendvawt ad xanegh d tadef ar uberlaman."
Gi tidet, attvas ig yetwannan x wawal n uberkan, ci yecna ci war   yecni.. ict maca oad teqqim asen oad war tennin: Tamzight ur t id yessid'fen ar uberlaman?
Tamazight nettat mara tudef d ar uberlaman, yessidfi t id bab nnes. nigh its d akid wum ar gha d awum yini umarikan "aqqa mawn teggim ammenni di tmendvawt nwum ur ghar s walu aked tdimuqratit"?
   Nec ur djigh ci aked umarikan deg wslubbedv (extermination ) d tmenghit nnes i yihenjiren d isegman... maca oemmars ur xarsegh ad tetwagg ict n tsemlilt gi Loiraq   tgensas   (représenter) akw tisgatin (régions) nnes, huma ad teksi amnus n tira n tmendvawt. U mermi nessawal x tesga gi tsrtit, nessawal x tdimuqratit.
U yinen ittinnin tamazight ur tedji d tunsvibt gi tmendvawt huma ad zzag s   nessiwel deg wberlaman, ttinnigh asen:   maca tamendvawt a ta u t yeggin huma ad as nadar (au sens de respecter), u mani trur wami ur tsedj oemmars   x ict n tutlayt ttinnin as ayt bab nnes tmazight. Tasga tugha t akid sen, nigh nettet d tanebbadvt alidv (toujour) deg tawuri amaknaw ta.
Izemmar ad yini ci yejjen, tamendvawt ur tetwag   ar gha tekk   jar ifassen n ikabaren.. u ikabaren tgensasen   aydud ammen imun.
Da ad negg aseqsi: wac d tidett ikabaren ig yedjan rexxu tgensasen amezdugh??
   Dix (donc) mara nxes ad negg ict n tmendvawt   d tadimuqratit itwarven ad swizan gi tmegga nnes timesmunin zeg akw tisgatin   ag ughezdis n imesnawiyen d ikabaren... minzeg oad ur irur ij ukabar itegg   tanafult n umezdugh d tmurt snnej   i tnafult nnes.
    Itwarvem x anegh ad nekkar  ad negg nnit, ur netriji   amarikan ad anegh yegg u ad anegh ini mayn gha negg, amacnaw temasar as i Loiraq ig yegguren   ad yeffegh zeg wfitar n tuoerba s tmendvawt nnes   tamaynut.