amssiwel n usetta amaynu d uqbur
Yaru t: Oebba Lhassan
isawel usetta i wayyad yenna yan iyyan:
nega asetta t gim wayyadv nera ad nefk azawar
nera addagh nkcem s yeda ur itam udvar
nega amaynu t gim aqbur yan ur iri yan
nega amaynu tgim aqbur a han azemz ifelk
nega amaynu imasen n uzzal as ad k nttussan
irebbi mad ak sul iran tadut ad tsul assun
a mad ak sul iran ighman n ufus ad ten sengiddiyen
a mad sul iran ifggigen d ighra zemanin
a timezdawin ka dagh immalen tifiras
nega asetta igh righ ad nzzagh igh ur righ urrigh
nega amaynu ar agh zzenzan tamstakt agh lligh
a teza n ussan kan kka gh ifggig ay lligh meqquragh
tirit kiyyin ad ngadda gh ussan ula ya dan
a han aqbur isawel d yenna yas nettan
nega aqbur nega asetta han ukum ad t yennan
aherri ghlid i tizi ghlighen nek i tayyadv
ad nizar asetta d atra tit n yan
imasen win ukccud timyurin as lligh
ighman iqburen ad addergh mani gh tent ufit
atig f wayyadv as ad nezzagh afus yella nit
lalla tasekka ar t sengiddiy kullu talatin
ad nwala asan zzad amxix ayyi sen
meqqar n matel gh ifggig nsen nit mani kkigh
isawel usetta i wayyadv yenna yan iwayyadv
nega asetta tgim wayyadv nera ad nefk azawar
nera addagh nikcem s yeda ur itam udar.
(yura t: aaba el hassan gh idlis nes d am issagh (tisgar)
mail..aabahassan@caramail.com
mail..baghugh2006@yahoo.fr)