tiwallin nnem: sin isaffen n ighilufn

sin isaffen n uzawan..

s darat rurniy yi..

s darat n izemaz.. , yap ssaghulniy yi

sin isaffen n uzawan jelanin a lalla..

semden jluniy yi..!

ar ittar g iggi nsen amettva idili

zund apyanu ittirirn alaydalali..!

tiwallin nnem d garru inu d unziz, kkesn iy izeri

d akus wiss meraw g taqqayt ig izeri

nekkin da yjddern g usggawr

takat inu ar tctta ixf nes ur tgawr

a tamarayt inu, rixkem, is rad t inix?

axxayt axxayt mera s ufix..!

acku g umadval ur dari yat

amer tiwallin nnem d ighilufn inu, gin snat..!

tighrruba inu g uftas ar allant

f iggi n tilletatin ar gezzment..

isennsetmiy yi awragh ad igan amesdul

tafelst g idmarn inu ur sul tsul

is rad mmuddux min kemmin?

ayamalu n wakuc g tittvawin

a yanebdu azegzaw inu, a tafukt

g iklan inu tafalkayt ad tuft..

is d iqqan ad nn gigm ittix?!

meqqar tuf aghul n ibriry tallest negh ad inix

meqqar tuf gardinya ajddig

g izlan isppanyuln ammas n yid ?!

ad ur tallat a badad inu igan yan

imettvawn nem skern yad g ugwns inu igwdyan..

acku ur dari g umadval yat

amer tiwallin nnem d ighilufn inu gin snat..!

a tamarayt inu, rixkem? is rad t inix ?!

axxayt axxayt mera’s ufix..!

nekkin da’ygan afgan iwwujdan

i wmeras inu g wakal ur gix ameyassan

abrid inu ad iy ijlan..

assagh inu ad iy ijlan..

tansa inu ad’iy ijlan..

amezruy?! mad t innan?!

nekkin war amezruy..

tatawt inu , tatawt nes ur ar t tezzruy

nekkin da ygan aftas infattasn

aggas g tifras ufgan..

ma’rad am fkex? is gigm madd ittraran?!

anughejf inu, tartaflest, negh dd iraran?!

ma rad am fkex amer amesdul

irekkezn g tidiklt n ccitan yimyur..

nekkin da ygan ifed n rixkem, ittin gigi

takat d garru- inu, am d ur kkin ddaw ula iggi

acku ur dari g umadal awd yat

amer tiwallin nnem d ighilufn inu, gin snat..!

(di 14 – 10 - 2958)