Aya tfawt n webrid qa txesyed xf umehdvar

War xessi xf unermad ra yemzvi ra yamghar

Xsegh as ad issvurf war is itnotir udvar

Isvurifen ghar zzat war tdji bu ghar deffar

Yallap a aytma ad negget tizemmar

Ad negget fus deg fus ad nari t ghar wedrar

Yallap a aytma ad nruhet an neymar

Ad nettvf taqubbanit ad tt nendver di rebhar

i mechar zeg uraji ghar yimar?

Tghuri ma ad zzay s iwwet wenzvar

Anzvar n wajjaj i zi d ihemmer yeghzar

Huma ad yisi taqubbanit ad t tisweddar

Manaya d rmuhar!!

Taqubbanit d yeghzar

Nitni d imeddukar?

Am ufus ucewwar deg fus n wemjar

Aya tfawt n webrid sseqsigh xaf m assegwas

assegwas n tghuri d zziyar i webyas

Arezzugh x tghuri itghiman d amarwas

I wenni wa yeghrin rebda tawras

Nettat am unzvar mara zzay s id itas

Tghuri d tfawt marra ntwara ghar s

Aya tfawt n webrid qa txasyed x umehdvar

Netta d tisit nnegh neccin day s nxezzar

Aya tfawt n webrid qa txasyed x umahdvar

Netta t tisit nnegh neccin day s nxezzar

(abdelhakim ELOUASTANI -abdelhakim.1@hotmail.com)