Tabnannwatv (La tempête)

Yaru t: Xezzan Oebdellap, Itri n Izerruden

Azul xaf m, a tabnannwatv

Ad cem sseqsigh manis d tusit?

Cem tellit ur ghar m amcan!

Zi tellit ur tejjit amcan!

Ad cem sseqsigh a tabnannwatv?

Ma wer tessinet tlili mani tezdegh?

Selligh idj n wass i wlaghi nnem!

Ur ssinegh mani! Xsegh ad t' tzviregh

Pa loar fci yi tamazvart nnem!

Ad xaf i dlegh, ad netvwegh amcan!

Ad alyegh gher itran ad ten sseqsigh.

Nitni zvrin tlili mani tezdegh!

Wen cem isalen xaf i, ini as ur t' zvrigh!

Ini as yentvew ad yerzu x tlili.

Sghed ghar i a tabnannwatv ad am inigh

Pa xam aza csi t akid m,

Ammen t' csigh netc akid i,

Ad nentvew isnin deg wjenna n ijenwan,

Ani mma tella tlili aza ad as igher,

Ad ghar s nepwa ad t id nesserwel

Ad ted nawi gher txxamet nnes.

Ad as neodel zug uregh d nnuqert,

Ad as nufec itri nnes bu tmenya n izelfan.

Ad tecsi deg wfus nnes, ad tesghuy deg wjenna.

Ad tini: tudert i wmadval, tudert i ymazighen.

Ad xaf s rren idurar d isaffen,

Ad derjijen wulawen n waoraben ad reoben,

Ad tey islan i waza d umadval

Ad teli tebnannwatv dug ammas

D Yugerten xezzan yeqqim x tmizvart!!!