Tamessizwarut:

Agherbaz ageldan n idles amazigh: Isrusen d isidvinen

(L'IRCAM: les enjeux et les calculs)

Yura t: Muhammed Budpan

Yezrey ujar yan aseggûs xef usenti n Ugherbaz Ageldan n idles amazigh. Wad d yan n wezdaw (espace de temps, laps de temps) ad yegza (suffire), maci i wsuteg (évaluation) n igmadv (résultats), i wsarsi n iseqsan xef  isrusen (enjeux) d isidvinen (calculs) n Ugherbaz ageldan: matta isrusen ad d isidvinen ad?

1-Nezmer ad nini is Agherbaz ur yessenti oad tiwuriwin (travaux) nnes meqqar yezrey xef tlalit nnes ujar yan useggûs. Acku ur yeghtis (décider, trancher) oad di tghawsa n usekkil yellan d tizwuri (priorité) n tezwura zi sin n ighezdisa (timnadvin):

-Asel (sans) adghar (choix) n usekkil itghima akw (tout) ibedd u iteggan (itraja). War izemmar ad iffegh udellis ula tateggart (document) tetwari s tmazight.

-Aghimi (le fait de rester, continuer) d uzedduy (continuité) n wattvas n inmapalen (travailleurs) i ytmmuzulen (travailler) deg ugherbaz ageldan, itteqqen ghar wanaw (type) n usekkil ghad yetwadgharen (sera choisi) i tmazight. Adday (imala = 'si' du conditionnel) ghad yetwacardv usekkil aorab, attvas zeg inempalen n Ugherbaz ad ffgen zzay s.

S umentil (à cause) n uyad, nenna is agherbaz amazigh ur yessenti oad tiwuriwin nnes nican. Arni (ajouter) is aked udgahr n usekkil ad itwaguccel (se déterminer) waddad (attitude) n Umussu amazigh arendad (bnid) i Wgherbaz Amazigh. Awarni wsekkil ghad yezref (juger)  Umussu Amazigh is Agherbaz Amazigh ira tullught (du bien) neghd aganed (du mal) i tmazight.

2-Ggwran (en disposer) deg Wgherbaz Amazigh ilemmasen (centres) n tarezzut i tneflit (développement) n tmazight. Inmapalen n Ugherbaz ad dig sen imeghnasen d ixataren. Maca oawed dig sen imusnawen d ikadimiyen d imeqranen. S uyad nteggêd ad ternu (au sens de 'prédominer) takadimiyt (académisme) xef ughedsis aghensay (qui relève du militantisme). Ad taghul, dix, tmazight zund yan usentel (au sens d''objet') d asemmadv, yebdva xef usekkin (sujet, 'iman' aussi) n umusnaw akadimi. Nessen is yan n iswan (buts) n Ugherbaz Amazigh is asmuttey n tmazight zeg waddad (statut) n usentel d attvwagh (Passif) ghar wenni n usekkin d urmid (actif). Ur ntettu is tamnatv taghensayt (côté militantisme) i yessiwdven (islekmen) tmazight ad zzay s tsikez (reconnaître) tenbadvt (le pouvoir). U d netta i tugha awarni tsentiwt n Ugherbaz ageldan n tmazight, u maci d tizrawin (études) tikadimiyin.

Ur nra, s wawal ad, ad nessektem (faire diminuer) s wazal (valeur) n tarezzut tussnant (scientifique) u takadimit. Nra ghas ur ttaghul takadimiyt d tammaskalt (substitut) n Umussu Amazigh di temnadvt nnes taghensayt.

3-Agherbaz Amazigh itaser (avoir besoin), ur di s turda (sans doute), yan n welzaz (budget) d axatar hma ad isedda (accomplir) apilen (programmes) d isenfaren (projets) nnes. Itadef deg wyad azuccen (incitation, encouragement) udmis (économique) u angawi (matériel) n inmapalen d imarezzuten (chercheurs) n ugherbaz amazigh. Maca asel ad yaghul uyenna d anpil (régime) n tarrazt (récompense) mgal (contre) ifesti (asusem) xef usezrey n tsertit tadelsant tesswagha (porter préjudice, faire mal) tmazight . Ayad d tidett ujar s wassagh  gher imasladven (membres) n useqqamu n tedbelt (conseil d'administration) n ugherbaz amazigh adday (imala) ad asen yefk Lmexzen alkiwen (salaires) xef tmeslidvt nsen. Nteggêd ad yaghul ugherbaz amazigh d yat n tenghelt (copie) temghar n tsentiwt n BMCE yesqedcen (utiliser)  idrimen huma ad tesswagha tmazight.

4-Uma zi temnadvt tasnassyant (qui relève de l'application) u taselkamt (exécutive), ituman (paraître) d ugherbaz war izemmar ad yegg ula ad yefk walu. Acku amegrad (article d'un texte juridique) wis sin n usadvuf (loi, Dahir) iteddsen (organise) agherbaz amazigh ittini is qao tightasin (décisions) ghad yisi Ugherbaz tghimant d turda (opinion) wapa, war ghar sent ula d yan n wazal d aselkam. Yarenni umegrad ad s imant nnes ittini is d agellid i ytgucculen (déterminer) tisertitin iteqqnen ghar tmazight. Amegrad a ittara (vider) agherbaz amazigh s qao tighura (compétences) nnes iteqqnen ghar wesnas (application) d uselkem (exécution). Itarra t' d yat n tsentiwt d talghawit (formelle) war ghar s bu tzemmar ula tanbadvt n weghtas (pouvoir de décision).

Qao ayad yeskan d is Amussu Amazigh yuccel (falloir) ad yeqqim yedwes (fort), imun u ighdvef (prudent, prendre garde à). Acku tmazight ur teggûr ghar zzat ghas zzay s u maci s ugherbaz ageldan n tmazigh.