Tamessizwarut:

Xef tama n wudvuf n ayt Ben Laden di Lmughrib

(En marge de l’arrestation des hommes de Ben Laden au Maroc)

Zeg inalkamen n tagmudvi: zi tuzzuft ghar usiwef

(Des conséquences de l’orientalitarisme: du sexe au terrorisme)

Yura t: Muhammed Budpan

Righ ad inigh s tawalt “Tagmudvi” (zeg ‘agmudv’ = orient) advfar (dépendance) nni (nna) n imughrabiyen i ayt agmudv aorab (Orient arabe). Advfar ad i yteqqnen tamazirt nnegh tamazight tafriqit ghar timizar taorabin n wegmudv, u yetegg zi Lmughrib ict n tuzdawi (prolongement) n timura taorabin deg wgafa (nord) n Ifriqya. Advfar ad yessenta aked “umussu aghelnaw” (mouvement nationaliste) deg ulemmas (milieu) n iseggusa 30. Yarni yemghar awarni uzarug (indépendance) adday (xminni = quandya) yaghul Lmughrib d ict n tmazirt d “taorabt” u d amasladv (membre) di “tagrawt n iwunak aoraben” (Ligue des ةtats arabes).

Min (may) nberqec (gagner) s wedvfar n wegmudv aorab? Walu. Min nezlu (perdre)? Akw (tout).

Nezlu azarug nnegh anettiwi (identitaire) d wezvlay (différenciation, ce qui distingue) nnegh adelsan u ilesyan (zeg ‘iles’ = linguistique). Naghul d ighref (peuple) d “aorab”, tutlayt nnegh taghul d taorabt, tighawsiwin nnegh ghulent d taorabin… Qao min yellan nnegh u iteqqen ghar negh yaghul d aorab! Ur teqqim tilawt (existence) nnegh d tilawt s ixf nnes u i yixf nnes (en soi et pour soi), taghul d tilawt i yennidven (yadvnin) u s yennidven.

Nezlu addur (honneur) nnegh, alallu (dignité) nnegh, timmuzgha nnegh adday (asmi, xminni) naghul d ibernedvt (bordel) n ixalijiyen d waoraben umi narzvem tiwwura nnegh d ihe… nnegh hmak ur xif negh txeyyiqen (se fâcher).

Ur bedden  inalkamen n tagmudvi ghar uyad (manaya) wapa (ukan). Inalkamen ad zeryen (dépasser) ghar min yellan mapu (pire): asaghul n Lmughrib d adghar (au sens de 'centre', 'base') n usiwef (terrorisme) islamawi i ybedded (diriger) Ben Laden. D ayad i zi ssikzen (avouer, reconnaître) iferdvisen (éléments) nni (nna) n Lqaoida yetwattvfen di Lmughrib. Ineggura yad amden (exploiter) tinnubga (tinnewja = hospitalité) d urmecci azfi (générosité sexuelle) zi yetwassen Lmughrib arendad (bnid) i waoraben n wegmudv.

Tikkelt yadven (nnedvnit) tarran waoraben xef tinnubga n imughrabiyen s urummedv (le fait de tromper, de trahir…) d tecti di tadawt (coup au dos). Min (may) yemsaren aked Idrisiyen (les idrissides) yetwales (se répéter) aked ayt Ben Laden: Idriss amezwaru (Driss 1er) uzzlen xef s zeg wegmudv u tugha t’ d asentel (objet) n tarezzut (Wanted). Yufa di Lmughrib taghellist (sécurité), tinnubga, d tuzzuft (sexe). Maca idrisiyen d yusin awarn as arrin Lmughrib d awanek d aorab, rrumdven imazighen, ssetmen (marginaliser) ten, gedlen awal nsen u mayadvan (s'allier) aked indalusiyen mgal i ymazighen. Ayt Ben Laden yetwattvfen di Lmughrib, ula d nitni tughayen d asentel n terezzud zi tamsulta (police) n intirbul (Interpol). Udfen d ghar Lmughrib mani ufin taghellist, tinnubga d tuzzuft aked timughrabiyin. Maca rrumdven zeg inni (unna) ad asen yefkan taghellist, tinnubga d timgharin adday ten sqedcen (utiliser) huma ad slekmen (exécuter) aghawas (plan) nsen amessawaf (terroriste).

Aseqsi, dix, d wad: Ar melmi gh ad nsul neddvaffar agmudv aorab meqqar min d anegh ismentil (causer) uyenni d tuzzla (perte), d tawaghit (mal, calamité), d timukrisin, d tiggunzvit (sous-développement)? Ur nra s useqsi yad ad nessedvrer (déclarer) akyadv (haine) d ugazar (le fait de considérer comme ennemi) mgal (contre) i waoraben. Upu, nra ad nili d imnuggan (égaux) u d imesmaden (semblables, égaux) i nitni di tanaya (souveraineté) nnegh tadelsant, d uzarug nnegh anettiwi u ilesyan, u maci d imedvfaren (ceux qui suivent, qui dépendent de.. ) nsen am ca n waoraben n tafesna wis sin (2ème classe) mimec ghar negh xezzvaren dghi (rux) u mimec nxezzvar ghar ixf nnegh. Asmi (adday) Lmughrib ad yili d awanek yetwassen is netta d ict n tamazirt d tmazight u maci d taorabt, dinni nzemmar ad neggh assaghen (relations) n tuddukla (amitié) d umyawaz (coopération) jar anegh d waoraben asel (sans) ad ghar negh yili ca n wekrus n tamazdarit (complexe d'infériorité).

Ur din telli turda (sans doute aucun) is aoraben s imant nsen, adday i gh ad remsen (percevoir) is nekni d ijj n weghref d imzireg (indépendant) deg idles nnes, ghar s tanaya nnes tanettiwit,  ad t' zrekkan (respecter) nitni d imezwaru, am teggen aked Iran, Turkiya, Indunisya, Bakistan…

Aghul ghar tmazight netta wapa i yzemmaren ad yehdva Lmughrib, maci s wedvfar d wefsay n tnettit (identité) nnes ukan, ad yehdva s usiwef d qao iwcinen (intégrismes) i d itasen zeg wgmudv aorab.