Tamazight

Yaru t: Uoettva (Tinghir)

Tamazight, a yaldjig n tefsut,

Ikka ghif m uzerdab n unebdu,

D ugris n tegrest,

D izvuten n lexrif,

Tesquzzit ur terzit ula teknit!

Tamazight, a tizwa n ughulid,

Ssumman am ighuran

Skumdven am urtan,

Ur am udjin awed izvuran!

Tarut tamment, tagit a teqqart!

Tamazight, a timilla n talwit,

Tudjit asen amalu ddaw useklu nem.

Akren tiglay g ugatuf nem

Tirirt asen izlan n umarg s nniyt

Ar xerrdven nitni ad bbin tassaft!

Teqqimt teggalt asen ur ttefghet!

Tamazight, a yaghbalu n wamas n ulmu,

Teswa dig m tesut s tesuta,

Ksen dig m fad inejda,

Tked asen mayd igan ka

Irin ad kem ngvren icenga!

Ggadin waman tagit, a tasmunt!

Tamazight, a tisent n tudert inew,

A yizvli n uwessar,

A yazmumeg n tegzviwet,

A tadvsva n umezzan.

Ur ssinegh walu meg ur kem ghrigh

Ur ssinegh tayri, ur kem righ.

Amawal:

Azerdab: Enfer - Agris: glace - Tagrest: Hivers - Izvuten: s azvu: le vent - Tesquzzit: être levé sans mouvement - aghulid: montagne - Ighuran: La cire d'abeilles - Urtan: s: urti: champ - Izvuran: s: azeggar: plante: épineuse - Teqqart: n taghart: sécheresse  - Agatuf: nid - Ar xerrdven: Racler   pour l'effondrement de qqc - Tagit: refuser - Teggalt: Jurer - Tasuta: Génération - Ngvern: évacuer, épuiser - Icenga: Ennemis  Azmumeg: Sourire - Tagzviwet: Belle et jeune fille - Tayri: Amour - Timilla: La colombe -  Talwit: La paix.