Iwca arebbi ibawen i yenni war ghar djint teghmas

Yura t:  Amtvals Muhemmed (Danmark)  

 

(Tawiza fait 37 jours pour aller du Maroc au Danemark! C’est la même durée qu’elle aurait fait au moyen-âge! C’est une belle illustration de l’irresponsabilité, de l’impéritie des services postaux et de leur mépris de Tamazight et des ressortissants amazighs à l’étranger)

Aterras xmi itiri itraja ghar ca n taghawsa ad tawedv nigh ad t yettvef,  amecnaw tisghunin nigh tibratin,  uca war d iwdbent deg akud nsent,  min d as iqqar wenni yetrajan.. War ssinegh ma d rbustva i da y i yettun  nigh zi taddart n tessghunin (les journaux).  Maca ixessv bnadem ad ighwwegh (protester) x yinni ixaddmen di rbustva amughrabi.

 War yeddji d ta twara tamezwarut i teggen  ameddur (almuoamala) war yecnin. Wac tasghunt d iffghen zi Nnadvûr ghar Danmark ass 23-03-2002 war d ttawedv arami d assn 30-04-2002,  tegga d 37 n wussan u neccin rextu nteddar  asemdvel (Mondialisation),  wac wen yeqqaren oad yeqqim as ca n  tghuri n tesghunt yekkin  37 n wussan. U manaya war yeddji teggen t i tesghunt n Tawiza wapa, teggen t ig marra tisghunin n tamazight, s umedya, amecnaw d as neqqar s tmazight iwca arebbi ibawen i yinni war ghar yeddji teghmas u awar a yuss d x rbustva amughrabi.

Kurci ghar sen nitni war xeddmen ca nican, teggen rxeddmet n  uzinzvar,  rebda ghar deffar, oemmars ad  neddpen ghar dat, am nitni am tghiwanin nnegh (administration) timughrabiyin. Wenni kid sen itemsawadven huma s percen t i ghar kkaren zeg uraq nsen. Da xsegh ad inigh ma d ta d tadimuqratit zi tkarrifen nigh ghar d awar, ghar wem.

A yenni yecsin ammnus n weydud, aqa amadval yuyûr ghar dat, kenniw oad war tekkarem war fiqem! A yenni d agh i steloen zi tmurt neccin oad war nuci

Danmark ass n 02-05-2002