Agusif (L'orage)

Par: Aïcha Aït-Hammou

 

Iga d wasif n wawal dig negh azzvawud,

Ad yasiy awal n berra ar ayt bu Dawud,

Ik as agheruc ar n igulu imi n umawwed.

 

Isul wawal nnegh ared ikk akku timizar,

Ik asen yan unamar i warraw ar timitar,

Isul ar d iddu wass g iga awal n ighuntvar.

 

Ira ad iheriy tiserdan d iyyesan d isenas,

Isul unaruz ar d asen ikkes i ayt iseras,

Ur nenni a nefest xes ig t nannay ammas.

 

Ifesti ur inni ad yad ig awed win wawal,

Righ ad inigh may d agh d inna wakal,

Unna yiran yisil agh, negh yiwiy azal.

 

Mer tegi tezedayt tin wawal a yarraw,

Qenna ad akku ilin ghur medden warraw,

Ku yan ik as d tasega nnes i wumerray.

 

Ddagh g d yagur wawal i tirra n berra,

Netca alili, ffeghen warraw s teghira,

Ur isul may mi nesawl innigh as kera.

 

Agusif n wawal isul ar d yasiy imi n ka,

Amazedar g warraw isul ared d agh yakka,

Ik as uzzal, ukan isedid ared ig zund takka.

 

Aseklu mi ur llin waman g izveghuwran,

Ik as ka ametvghus aqqurar n iserdan,

Ur inni ad d yakiy, ik ineghmisen ireghan.

 

Amawal:

Amelal, imelalen: Le mâle de la gazelle. - Aseras, iserasen: Dépôt. - Azveghur, izveghuwran: Racine. - Ayt-Bu-Dawud: Nom d'un quartier. - Azvugher, izvughûran: Racine. - Azzvawud, izzvawuden: Course extrêmement rapide d'un objet, d'une personne ou du vent. - Berra: Dehors, l'extérieur. - Ifesti, ifestiten: Silence. - Sedid, isedid: v. تtre mince, frêle. - Takka: Poudre obtenue par moulinage et écrasement de certaines dattes sèches et mélangées avec la poudre des grains frais d'orges bouillis dans l'eau (zzenbu) et séchés au soleil puis moulus. - Tamatart, timitar: Limite, frontière.