Amur ameqran

Yuru t: Hha Udadess (Rbatv)

 

Lmaghrib loarabi, ass a usin am!

Ap Tamazgha,

Nna mid yusa umur ameqran.

Inna t wacal d igenwan,

Azvru d usklu d imedwan.

Aorab tiwi t id tezwutt,

Ighal is izzva izvuran.

Izzewar lequroan,

Maca taourrvba ayd ran.

Wanna ighalen is cewan,

Irna idd ccerif ayd gan.

Ad yili, ad inbedv, ad isawel,

Ar ittini:

Grat i umazigh tikwemmamin,

Tabarda d wuzlan i tesweggin.

Rarat, iysan d iserdan.

Awal, imazighen, adday t zedvaren,

Asin wiyyadv: Mani amur?

Terzvam loaped ameqqran!

 

Tamazgha,

Lmaghrib loarabi, ass a usin am!

Ranet ioraben, ranet imenbadven,

D yidsen mi nnan d imesnawen.

Aneqqer day ayd ten iseghan,

Addur mec t lan, ayd zzenzan.

Bu tamurt,

Acal, ur da kwen ttettan;

Amharves ayd issekwent igran.

Amezwag ittecan isewan.

Imezdaghen, ah Tamazgha,

Ur ttun, Imazighen ayd gan.

Ioraben, mec akkw llan,

Tadersitt, akkw s wurawen.

G tuzzvunet ur ttamun;

Tardaset day n inebgayen.

Hha Udadess, Rbatv g 13/12/2001