Tallast:

Gar-muzzvel

Yatru tt: Jebran xalil jebran, Asughel s tmazight: Agrawal afriqqic

Nnix yat twalt i yan gar-muzzvel:

- “Ized ur k tessvermi tzdught g iger ad g tellit ghas kiyyin, tegt gis usuf ?”

Irar iy d iqqar:

-“Pati ghuri g ussikes d yat timimt ur illi wanaw nnes, maya nn af iy tssusm twwuri inu, hmelx t”

Swangemx yat talbqqiyt (imikk n wakud), sawlex d ilemma nnix as:

-“Tghwzzvant g wawal nnek, acku izwar is uremx tidvfi ad s ixef inu, medvix t”

Irar iy d inna:

-“ad k is ar ttjijiwt, pati timimt ad ur issin tidvfi nnes amer wanna iddezen s iwreman am nekkin”

Felx t ilemma akud ann, nefassix, meqqar ur ssinex is iy yulex neghd d is iy izzvimezviy.

Izery usegwas n wadvan xef tizi ann, yaghul d Gar-muzzvel iga aneflus d yan g waggagen; azemz llig dagh ghifs zerix tikkelit yadven, dvufex nn yan sin igaywaren ar ukan sekkun isekki nnesn ddaw ubakeccu nnes.

(Jebran xalil jebran, Zeg tawckint nnes: “Ikabaren d uhyudv”,Asughel s tmazight: Agrawal afriqqic, Anfa:14.06.2956)