Azzel d awi

 Yara t: Oumar Zanifi Adimun (Asif n Dades Tin mully, Tinmiwl)

Azzel d a may gan kan uxewwat

Pan tafunast awi krad ad tirew

Krad ami tega tarwa nnes kra

Yan g kerwan iqjer da yeqqat

Yan isman ighef nnes ula tiyyat

Yan mayd  t-igan ar itheccam

Tella dig s tawda ifekat i wul

Tasa  nnes ur yad da ghifs nesawal

Addud ma mi tega tarwa nnem ka

Tafunast aygan mays n ikerwan

Nettat ghes aygan win agh t yiny

Mad as ak iggaren allig turu

Imger iman nnes add yawi imensi

Issen lazv d fad ass nna g ttaghen

S uqerat n wul:«krad ghes ayellan»

Imuyd ur ittci, ur t izri yan

Ar-t-dd isuggur allig tiru

Yan yiwit ugherum pat iqquman

Qa sen ikk wudi nnes iserman

Yan ur t nuzin s amya izlanen

Ites mamk iga ur t akk issin

Tafunast s agert nnes ig tessin

Imezghan mag as llan i yan

Yan iyeldan as gan ar ittaylal

Tarula yadd irul matta yan

Ad gergh tadebeqt ur tagh akal

Ku yan ira tazzirt at tettekur

Tafunast ar ttessa allig teqqur

Ig nra ad nakk adeghs i ku yan

Amezruy inigi ur issin aqarit

Ussan inigan ur ittefferen

Agh inin ma mi tga tarwa imik

Willigh ittazelan kat-asen imik

Ma ysulen g tazzela ur rin imik

Kat asen tazzirt ad kin imik

Winna ur ittazzelan dghi d lligh

Azerdigh add yugern fkat asen akw

Ad isinen i tazzela s tikkelt in

Ighejd ur tt-issin deghi d lligh

Aman ayufa da yasten ineqqel

Itteca yas tuga ula yalim

Ur as temezziy tgatut ul a yas tella

Uyedda n tagust isek as ikkat

Iskawen d tiqqar add ghir ufigh

Ima tillas qa d ilin iqucan

Ur da teshummu ar ig tt-iqejja

Ar i tesmayad ig gengh remigh

Dda g tella s udis ar-tt ak kkaten

Atteghri ad ran ula temmut

Mag ufan adis yakkan aghu

Imi nnes iga tazart n ugunun

Tella tarwa qa d as tawi yaghu

Tarwa nna g ur illi wul nnes

Issar aghu d willigh t ineqqan

Maydman aghyul ula yighejd in

Ad irin aghu g tfunast lligh

Mi tcan izmamen s iqerray

Bbin as agert s iqucan

Sseghrin as adis s irkyan

Ikerwan qwan dghi ur-id lligh

Yan ikerw ad yili ghur ughu

Ghur ighef ag illa wi yecqan

Tastturt zund am tarremmant

Tenyama ad immatti weghyul

Ighejd iqa d iskker negh as ttcan

Ikerwan  tadut  ar  abeddan

Iqwerray nnes ad as ten irrez yan

Awer inkker ad is yiwt tafunast

Nughul iknan digh s ughejdim

                      

Omar Zanifi Adimun 2953-2003, Asif n Dades Tin mully(Tinmiwl)