Lhefyani.. nigh tifuzzvert n tughemsa tuoerbent

Yura t :Bughanem xalid (Fnideq, Tittvawin)

“D tiidet.. nek d yan zeg inen ur itarrin taynit i ymenghan ig itemsaren di Loiraq... U mermi urmegh(essayer) adv inigh ci n wawal ghar s ammak aked ubeddi ag Loiraq, iri dewregh deg awal inu, acku (parce que) ghari ci nnidven ad t' ggegh.. U minzi ur xsegh ad ssidfegh ixef inu g ict n tawuri ghar s ayt bab nnes gharnegh da gi tmurt nnegh.

Gi tghawsa yad nek teggegh s wezref n wemwadvas (parenté): ur din ci ghari yudes d ghari anect id yudes ghari ixef inu"(1).

S wawal ad i nzemmar ad nini d ij n wawal ig yarzvan tifuzvert (le sacré) n tughemsa tuoerbent (arabisme) gi tmurt nnegh, yenna mass lhefyani: UPU i yubeddi ag Loiraq huma ad nssudves agdud nnegh x izerfan nnes, x imxumbar nnes, d ixef nnes marra.

I mara netta mayn yenna mass lhefyani d awal yefra ur xas telli tallest i wen ig iteggen tawengit nnes akid s d wen ur itijjin ul nnes ad t' sghen inen ig yessaghen znuzan deg ulawen nnegh.. is nzemmar ad  nini belli amaray n umegrad a yeffegh d zeg wghezdis i tughemsa i d itefghen s wagra n ighermanen nnegh?? nigh mass lhefyani ig yessemlen tidett i wattvas ig yellan oad "jar ujar", ur yuki (ishis) ar ami ig yegga, s wawal nnes, azeggil a axatar??

Mamec ma tella tamrarut (réponse) x iseqsan a yina, itghima mass lhefyani zeg wmarayen yudrusen, ig yeggan targast deg ixef nnes ad yini g yan uneghmis mighar yella yan n wedghar axatar g igar n tughemsa taghelnawt (ad yini): ixef inu d amezgaru oad midden, tammurt inu d tamezgarut oad ad seswegh tamurt n midden. D wa d amenzay (principe) min deg itwarvem ad amzven ayt bab n tmurt nnegh isertanen nigh idelsanen s ifassen nsen d teghmas, mraran s tidett ad fken i tmazirt  nsen yan usulef (occasion) bac ad tettvef abrid nnes gha zdat..

Tidett deg wneggaru tghima taghlalt umenghi gi Loiraq d yan umeghghuz itghima dag negh neccin marrva zund igduden n umadval marrva. Maca mayn dag negh itghiman d ameghghuz ujar (plus) d aseqdec n umenghi yad, zeg tesga n ikabaren isertanen n tmurt nnegh, i tnafult nsen amenghi n Loiraq yessettu attvas n tghawsiwin mighar yedja yan uqasu d axatar.. yessettu azghan (critique) ig yetwaqqnen ar tghawsa n "nnajat".. U asedwer n mass Oebbas lfasi, mighar yedja fus d azegrar gi tghawsa yad, ar uraq nnes am (comme) yixef n ukabar n listiqlal i tikkelt wis sin ta tikarmin i ta (successive), d tadura n mass Lyusfi ad yesmegnet taghawsa n "lqawmiya" awarni ughimi nnes attvas n wussan gi tili x raggûj i tfawin, manayaur iteffegh zeg tnafulin id yewwi umenghi gi Loiraq i yisertanen n tmurt nnegh.

Ztat ad sseklugh, itwarvem (falloir) ad inigh belli ikabaren n tmurt nnegh, waxxa nitnin ttinnin: upu umenghi gi Loiraq, maca deg wgensu nsen, deg ul nsen tettaren amenghi ad isighi i walidv.. acku anaraz ameqran n umenghi yad itghima d ikabaren isertanen nnegh.

tam a:

(1)Ridwan al-hefyani (allapumma adimpa... Harban) assabah, uttvun 226-02-4-003.

(Fnideq, ass n 03-4-003)