|
Uttvun 73, Semyûr 2003 (Mai 2003) |
|
|
Aghuyyi n umezruy Yaru t: Icen Saoid (Ayt Ishaq)
Ghran d imezwura nnex awi iherrec wacal Nnan awen a ymazighen aya d ur ax d yusi Max ad tyim xes amm uheyudv itemun d waqqiwen Ur izveri tenna zzi s iyyan ula ma zi yyan. Nesan d abrduz irezvem d i lehsab ffir as Apa adjin amur nes llasen ittuyata Innawen uhensval a imazighen ineggura Max ad tim irumiyen matta weya ittuyam. Cetyad ca n tamazighet llix n imezwura Unna t ittun zziyun teghrim t aseggûs a Pa tifinagh deghi day tcetim d tin lwaldin. Bar ad neddu gher dat ad t ney d amm qqah iwaliwen. Innawen uxettvabi d uzvayyi lliy mdacaren Ad ur kwen issexlao uccen pat izem ad kwen yurun Pan asecar d oari kullu xes winnun agga Adday tdvereoem idda ad igheyiyes ubaghghus s tasa. A lapel n Svenpaja d Mesvmuda d Sijelmasa, Max ad tettum imarun ttum Massinisa, Teyam amm udverdvur iyecemen i Tefrawet s iyis Ur yad as isella i woellam lliy seghuyyan Ukan irar kwnid a lbarudv ur yad c ssufighen. |
|
