Anecruf n tudart

Yura t:  Uccix Mhemmed  (Oslo, Norvege.

 

Ghvar a yamehdvar,

Ghvar awma ghvar,

Arzvem azedjif nnecc

Ad ioemmar.

 

Ghvar awma ghvar,

Gg min ghar k d tizemmar

Huma ad tessned mammec i temsar.

D mammec i d ac ghad temsar.

 

Ghvar a wenni yetghiren yeqqar,

Xmi ghad tbedded x tidett

Marra min tesned ad ac iweddvar,

Xmi ghad tawdved ghar uneggar

Ad tafed ixef nnec am cek

Am ucewwar,

Am cek am waff yardven icutar

Ad txezzvared di dcar

Ad twarid  icarcar,

Ad txezzvared deg wcar.

War  twarid d car

Ad x ac tedwer tudart d azennar,

War ttifed ad tessvurfed ghar zzat

Ura ad d tdewred ghar deffar,

Ad teqqimed teswazzadved s rxezvrat

Zeg wseggûss ghar yimar

Ad trajid wenni cek yeccin

Ad cek izvar.

 

Thajit nnecc awma yamehdvar,

Tessefruruy ighes,

Tesseprudjuy tisvudvar.

Thajit nnecc am thajit n yewwi  yeghzar,

Sadu ujenna war zi d yewti wenzar.

 

Mechar x ak yessigh baba c,

Mechar x ak isveyyar

Ihissifen kid c teysi yemma c

Ujaren idurar.

 

Adji nnecc tebdvi t d tiseqqar

Jar weshessi ghar wawar

D rxezvrat di min yesbarcnen

Rcighed acemrar

Trajid ghar ij n wass

Tfuct nnecc ad day s d tyar

Maca oemmas ad tyar

Oemmars ad tyar.

 

Ghar a yamehdvar

Ghar awma ghvar

Tamara d unezvbar

Tibbuperya d uweddvar

I d ac ghad iyuran ghar uneggar.