Tabrat inu
Yura t:
Buoezzati Muhsin (Nnadvûr)
Ak tareccact n wenzva, ak rghettv n
usinu,
Ak tadjest ihedqen
urigh tabrat inu.
Urigh tet s umettva
icedden s ufiru,
Yesruban urawen amecnaw
ur inu,
Urigh tet i wejdid
ibedden x ubadu
War ghar s bu wafar war
izemmar ad idvu,
war ghar s tiseqdar
yeqned yexs ad iru,
Itraja tiwecca ad tagh ad
yennarxu,
Iwehhec tirelli yeffud it
ad t isu,
Urigh tet s umettva
arendad i tidett,
Tidett iweddvaren
yeffaren di tyarjet,
Urigh tet d mezri
idvehhec ghar yimar,
Urigh tet d tghuyyit x
ddedj huma ad idpar.
