Xalti Griru

Yaru t: Nurdin Bawedra (Tizi n Taqqa)

1

Xalti Griru

Nnegh tgellint

Ttughul d deffir

Allig tesselsa

I yghef ns

Akenbuc n tmessi

Tam s i tfekka

Anaghiz n tawada

D ukennu yal ass.

2

Assa tar xalti

Griru negh tgellint

Ad tessufegh ighef

Tedkur tiyenzvar

S wadu yejjan

N umuyd d usfafa

Tnurz tmeldadayt

G wukus n tghetrin

Tmeqqet iwedvfan

Imedhac mi tuwegh

Alin as iqezzay

Mi tuwegh s ighef.

3

Iseqsiten ad flin

Imi n Xalti

Griru tamehbudvt

Yujin alxix

Tebbey awal

D uyen as ittin.

Tegley s urti

N twirga allig

Tegra taghanimt

S urti. Imil

Wer d tuwiy

Tderdut asala

N ileghwman ghlin

Ghef tuga

Izelf as ugerd

S wufur.

4

Xalti Griru

Nnegh tgellint

Tedder ammas

Nnegh tisin agh

Nisin t sit

Ass ddegh tra

Tessafegh d ighef

Tnurez tessi

Seg teghbalut

N war akennu.

5

Xalti Griru

Nnegh tgellint

Tamepbult

Tmeqqat iwedvfan

Teghnes gar-brid

Tmun d twirga

Ikk as wadvu

N imerghan

D mayd ijerrun

Tasi ts tidi

N ugraz d ukrah

Ar ttenmili

S ghur ayt ufafa

Tawuri yal ass

Tnurz tmillust

Ad tumu ass a

Trar d ayen izrin?

6

Xalti Griru

Nnegh tgellint

Tesbedd tigemmi

Iwrinin medden

Teqqim dat uzettva

N iswingimen

N usefsey d bettvu

Allig tukey s uzgal

Ghas ad tekcem

Awd s ukennu

Awd s tawada

Gher deffir

Tgellint Xalti

Griru, tegraz t.

 

(Tizi n imnayen, 1994)