Da cem tirix ciyyan

Yura t: Hemmu Lmensvuri (Xnifra)

Ul nnem, anu axatar n fad,

Deg amaray iga

Timeqit yut.

Isexsin bapra taghufi.

Ul nnem, amalu asemmvad

Deg ssentalex

Fferex tiwirega

Ad ur xelin t s irifi.

Ul nnem amellal

Am ussan ikkan

Lli tela tudert,

Tatvesva nes ijelan.

Ul nnem aglman adal,

Itri issiden

I teyedjuyet

Ikkan g ul inew tendagh

Isulen altu tzedagh.

Akkmani

Ul nnem d tasarut

Ittanafen

Tiketin inu iqqan.

Ttadji adix, zeg uzemz

S azemez,

Yat titpi zeg titpa

N wul nnem.

Ttadji x as yat tmulit

Ad siresex aqecac

Xef udmer nnem

Zelax g tagganet

Tazeddayet

N wul nnem.

Ttadji ad gga fix

Ggezex

Tagharect n wul nnem.

Ad ferurix,

Flufelex,

Fsix,

Jaj n il aziza

N wul nnem.

Ayt Ishaq, 11/4/2001