Ammu tudart

Waccix Mhemmed

D ta d tudart. D ta d tudart.

Timessi n wur rebda targha.

Nettat wat ttegg tigharghart.

D ta d tudart.

D ta d tudart.

Ammu I d as ggin i tudart.

Ijjen yetghir tidett

Tessakkûdv ghar s tmart.

Ijjen yetghir tazeddight

d aghimi di tewwart.

Ijjen itemzawar

aked isemghan n tezwart.

Ijjen rebda yeswa,

Tazeyyat war d as itarri bu teswart.

Ijjen yeqqen x imezzughen,

Yennuffar di teghmart,

Itinziy, yeqqar:

Rmed tudart i tudart,

Mghar jjet anegh ad neddvar

War d awem nenni bu tesghart.

**

D ta d tudart

Ttiknulujya tessemghar ticri n imeqqranen

S tnaya x tjarrart,

Tarr iten ggûren attvas.

War t jjin awarn asen rimart.

Ajenna ggûren day s tviyyarat,

Igharruba zvekkûn zzay sen rebhurat

Tariten marra min yedjan

Ssnen as am tirart.

Maca tsul war ten tessermed

Ad uyûren x tmûrt.