Tamessizwarut: Ammak n ughunzu n yighmisen imughrabiyen i  wsarag  aghemsiw x tmazight (la signification du boycotte de la presse marocaine de la conférence de presse sur le manifeste  amazigh)

Yura t: Muhemmed Budpan

Teddes (organiser) tesmilt (commissions) n wedvfar n umeskan amazigh ijj n usarag d aghemsiw (conférence de presse) di Arrbatv ass n 12/9/2000. Qao ighmisen imughrabiyen twaoardven (être invité) i wsarag a aghemsiw. Attvas n ineghmasen (journalistes) usin d mgenten (être présent) ghar  usarag a. Maca ura d ijjen zzy sen ma yessars ca n useqsi nigh yura ca x usarag n tmazight deg wghmis nnes. Min yexs ad yini ughunzu (boycotte) ya n usiwel x tmazight?

1 - Aghunzu ya aghemsiw (qui relève de la presse, journalistique) isenneflula (exprimer) tafesna (degré) taxatart n tamazighufubit d tegdelt (exclusion) tamqrant mgal i tmazight. Ineghmasen maci wtin di tmazight nigh qqnen tet ghar "Ddvapir abarbai", nigh nnan is tzedda  (menacer) tayunt tanamurt (l'unité nationale), maca ssusmen u war nnin u war urin walu. Asusem a yujar  awar deg ûmmak d tumayt (contenu) nnes. Yeccan d is tmazight d ca war yedji, d ijj n usentel (sujet) i war yenzeggi (mériter)  tira d wawal xef s. Asetmi (marginalisation) ya n tmazight yessuman (montre, manifester) ict n tlekkawt (mépris) d tamezzazvart (raciste) arendad i tmazight. Addad a yessmal (montrer) is tamezzazvurt (racisme) mgal i tmazight d ict n ttidett tella, netwara t u nteddar it kuy ass.

2 - Ineghmasen ya ighunzan (au sen de "boycotter") nettan (appartenir) ghar  tadghert tamdarsut (l'élite cultivée, intellectuelle [ zeg "idres" = culture]). Manya yessummak (signifier) is imegzar (ennemis) ixataren n tmazight di Lmughrib d imdarsa. U amentil (la cause) maci d aswir (niveau) adelsan nsen, d tumayt tagemdviwt (orientalitaire) taqumajit n useddenki (formation) nsen adelsan D manay i yessefran (expliquer) max imara izardv wapa (ukan)  ijjen zeg inni n wegmudv ad x af s arin deg isebtar imezwaru n yighmisen nsen. Maca ssusumen x ict n tghawsa d tanamurt am tmazight.

3 -  Ineghmasen a sghuyyun alidv (toujours = rebda) x tnebbadvt  mani war tesleghghu (informer) ighermanen (citoyens) x ca n tghawsiwin. Maca nitnin s imant nsen teggen, idd tmazight (en ce qui concerne tmazight),  timegga i xef tzawaren tanebbadvt: war ugin ad sselghun imezdagh x tghawsa n tmazight. Tawuri nsen ttettar zzay sen ad ssakkûdven ineghmisen i yghermanen, maca nitni ssusmen x ineghmisen huma war ten tessnen imezdagh. Ta d ikerras (trahison) i tughemsa d imezdagh i min xef gedlen ineghmisen iteqqnen ghar tmazight.

4 - Maca ughunzu ya n ineghmas imughrabiyen x ineghmisen yessawalen x tmazight d ict n tamsirt (leçon) i neccin imazighen. Neccin nezzidver (supporter, être patient) attvas, nraja attvas, nsellek (au sens de "renoncer, abandonner"), attvas nejja zi tesghart nnegh attvas. Maca innedni trahen arennin tlekkan (mépriser) u tekkdven (haire) anegh, geddlen (interdire) tmazight nnegh u war d anegh teggen qao di taynit nsen. Dghi, war d anegh teqqim ghas tghuyyit, ghas tagrawla, ghas amnala (affrontement), ghas ughnan, ghas aweccen (extrémisme)… war ghar negh min gh ad nezlu (perdre) mghar taluft

(misère) di tteddar tmazight.