Tazizawt, Tazegzawt;

Taghbut, ar abudv n umadval.

Akkw, iwrinn ac, a uman?

Minzi, s tidet, as tellit!

Day, isul tellit.

Pa anex, a tamettant,

Imenghan, iwa gher dat;

Meqqarv,

Ur aksulen ikuba,

Nekkin d alilaw.

Ighessn iw, g ansa sulen,

Siwrvighen i ighuliden tiseggwin.

Lanfadv, tisaylalin,

Midden iw, ssaghulen, d inesrifen;

De imudar

De ighbula new; akkw aman.

Imelluzen, imupal,

Warksumen iwdanen,

Lah awd aman;

Anerri se afella,

Nnalen tamettant, ikamikazen, ar tteddun.

Tafekka ne ifganen,

Igherghasven n imudar tama nnes;

Ar ass de idv, tasemxuzzut, taghersva;

Advu n taggift, axemmuj.

Min abdad, ar itterras

Angay nnem, a timess

Isul, a abehdvaw, warmadun,

Andvaw lli amzwuran,

Amesnagh, afelsaw, ku ass,

N tamazirt nnex; tanemghurt.

A tenna ghifem nnan, tafulkant France,

Cemmin, midden iw, tsenbarat.

Cfan iyi, idd ad cem irigh,

Isalmaden iw, tiselmadin.

Addur, i imyafen g tarwa im;

Inazuren, iqusasen, imesnawen.

Nekkin, d alillan.

Zi turtut tamadvlant,

Turda uddejigh am.

A France, ur idd amata zzigem imeqqurv;

Tiffi nnem, awd nettat, ur tmeqqurv;

Pan asrag nna ge takkat isidvan;

Ilkem uzemz, nna g tssat anezgi n

isemxuzzan.

Rrebadê, 29 -08 -2011