Saqqsa akal

Man afgan

Agis iluln

Utn s izvuran

Man amadan

Agis ibughlan

Skin ighrman

zdvin iztvwan

ngr agadir d imswan

Ttvrf n tghazut d imuran

imuzzar n idawtanan

d Udrar n drn gan inagan

isd afgan amazigh agis illan

zdaghn gis ifdvn n isggwasn

tasutin f tasutin.

Awrir

Saqqsa asif

Man afgan

Agis yuln uggugn

Isku ibharn d urtan

Man amadan

Agisn ikrzn igran

izzvu gisn lbanan

Aman n wasif ngin

gan inagan ddrnin

isd amkraz amazigh adrfan

aygran amud krzn idvrvfan

Awrir

Saqqsa y ill

Man afgan

agis issudan aman

Ibbi tiddad n taddvangiwin

Yudm tillas n tmdwin

Ur ksvudn tifrwin

Gmrn anawn n islman

Asighagh d uzayz d tsrgalin

Gr ijarifn attuynin gh iftasn

Ula tigruba iggi wwaman

tafukt igh tudm aman

gant inigi isd angmar atanan

ad flnt issuda taddvangiwin

awrir

saqqsa adrar

man afgan

agis ighzan ifrdvan

amzn aman n inzvran

immarri gh taganin

isgdl knn a y argan

tasutin f tasutin

man amadan

agis iksan ikrwan

ig tizzwa gh taddarin

tagut d udfl iggi n tafatin

gant inagan drnin

isd amksa amazigh adrfan

igis ikssan kra igat ussan

Awrir

Saqqsa tafukt

Is tzra tanirt

Gh iggi n imdla

Gh wi ssa n ignwan

Had tayyawin nm

Gh Awrir d Imuran

Ar sklulunt s ufulki

Awrir

Saqqsa amzruy

Man afgan

Agik iskan tagrma

Isbid taghnsa

Immigh iffi idamn

Ig asardas nnun

Irrarn imddurray

N tagut d utrim

Igik d wakal adrfan

Arratn gan inagan

Isd aksil d yugrtn

Ak iswan s idamn

Nnun a y ullawn

Awrir

A y akal n tzvuri

Saqsa awrik

Man afgan

agik ircmn ignwan

S uklan n tslit n tafukt

Iklu ill s uklu n ignna

Awrir

A y akal n tusna d tsakla

Saqsa blibid

Man afgan

agik ikrzn idvrfan n tirra

S izlan d tguriwin mmimnin

Ganin aslal n tmdyazin

Man amadan

Agik Idvufn Ignna

Is izra imakrn n tafukt

Tafut lli ggarn tifawin

Ad ur ilint tillas

(buizakarn ass 10 – 10 - 2011)