Jar temzvi d tewsar

D isvuraf n reomar

Xatci rwazna ttemkabar

X tsuntawin ttari tettvar

Amen war tzemmar

Fus nes am wezvru n weymar

Zug dar tssvaydar

Rqix t ijen n wass

Ipwa y d umettva

Icmed wur idwer d imjmar

Teqsa yi tudert nes ioedan x idurar

War tekki tamzida

War tessin ad tghar

Seqsix t mac tedja

D mac teddar

D mac tssoedo ussan nes x idurar

D uzdem x tsuntawin n yeghzar

Tenna yi:

Char i c gh aynix a memmi char

Rexxu war ghari bu tvzemmar

Orahar war zemmarx ra i wawar

Buhber inu itari yettvar

Aorur inu yeqwes

Idwer am umjar

Nec oad resqex ag usghar

Ijen n memmi i ghar i

Aqt iwrumi ithemmar

War zages frihx oemmars

War kis ddarex ra d npar

Argaz aqtv deg under

Nec wehdi farqex sbvar

Tettex arebbi ad ghar i d ixzvar

Qa ur inu ioemmar

S imunas innezbar

Hwanayd imttvawen

Nnigh as safi a xatci sqar

Memmim oad am d yawedv rexbar

Oad ad ifkkar tammurt nes

D min xas ikkin gi dcar

Oad ad yas ad cem izvar,

Nec tettex am yeni rebbi gi reomar

Qa cem roiz nem yemghar

Qa cem roiz nem yamghar

(Yuba Anir Hafr, kassita deg: 10-02-09)