Fyemt id a tisfay, fesyemt id xaf i

Fesyemt id d tiri, nigh d reowin hafi

Awyemt id asarut beloemt id xafi

Beloemt id s tayyut nigh s ttvya n yitri

Sidfemt tifawin qa dinni i ghar tiri

Sidfem tet wehdes war kid s hed neghni

Qqa nettat i yedjen, d tfuct war tghedji

Di tudart inu tfawt war txessi

Fyemt id a tisfay sfesyemt id tirelli

Ad ttefter tfuct, ad tesmun ig unami

Arnimt id aftar; zvyemt id tayri

Zvyemt id tayri, zi tifras n tziri

Tayri nni ghar yesmunen, taycit ig uraji

Ad rajigh idennadv, ad arewregh ghar tghuri

Arah d ad niri d ussan n tiri

Arah d ad niri d tiri n tziri

Ad niri d anfarar, necin war netmatti

Necin id as ghar ad yirin i rmewt d aseymi

Ad niri war ntiri, abrid a mani ig itawi??

(Farid KICHUHI - farid-088@hotmail.com)