Tanit, dr ayi d s afiriwen nnem

D icedraq.. d icedraq

Iri d ur n umas n raxart ifaq

Nigh d tungint nnes i turjan

Refwar n imenghi inoarq

Nemsagar…

Afra idha negh d akud, tumart d raq

Nezdegh aya deg ya d tezzinet

N itran d ihudaq

Rextu buhber n dunect s tayri

Imsersaq

D taqebbidvt n usasnu…

Tmughri nnes tedduysar

Deg izvuran n wassam ghar resfaq

Ad tacem arrimet n umadval ad tfaq

Tanit twenna:

Ad tfaq.. ad tfaq, pant tfaq !!!

Ca n twara ad tefsar isvuraf nnes

X wedfer d icebraq

ict n twara issiwer d usqasi n ughedjuy:

d nec isgheryen aghrum iharq?

isiwerd umeslay n wenqar ibaq:

ima d nec i d ishuccen reowin isxeyyaq.

Tittawin ghedrent id abriwen

X rxezrat d ahewwaq

Fghent id tmijjawin zi zpir

N rebwaq

Arrimet n umadval tegga «big bung»

Temsedjaq, temsedjaq…

(Said el farrad 20 /9/ 2008)