Usigh d amkkerj aragh tagury: «AWAL», ktigh d moulay oli cupad illigh inna: “awal a ya wali…” nigh maygan AWAL, ar swingimegh… ar swingimegh… ar dagh swingimegh alligh rmigh, ur ufigh yatt… yat tizi tugh ak, magh swingimegh.

Tizi yadvn tut yi yatt talayt n yts, jajugh yan lxleo gh itssinu innayi:

-Nkin aygan awal, awal nk … izay d inna dagh: awal nek, tutlayt nek, tiguri winnek…

-Nirass, wap awal iga kra, tutlayt tga kra yadvna, taguri tga ula ntatt kra yadvna.

-Irar d inna: rad tsutult ard trmit, awal ka tga luot.

Urtad rzmegh imi nu ad sawlegh, s illirgh d oaqlegh afigh d agay uno gh ddu targanet tuzzumet n tbhert n tadjaret “ madawa ghid tskaret, manik atgit bu yitts iguten” Ar sawalegh ghar d ugay uno, rzemegh alln inu qnegh tent: “ is nit oaqlegh nghed op! Uhlegh wahd yi, miden kulu salan tawrinessn, nki tuzumet n wass ar tjijiwgh, hhh …, sul magha tjijiwegh : “AWAL”, ma igan AWAL, mad righ AWAL, yak snegh ad sawalegh, ar sgidigh tiguriwin, ur ju sferegh kra n tguri, mazza sul righ ad snufulegh, ar sawalegh ghar nki d ugay uno”.

Yan imik iffagh d yan uffulus isd iwyed gh iswingimen ad cqanin, ar as aqragh: “Ackid … Ackid … ad ak nigh …”. Walaynni ur d yucki, rmigh ayess aqragh, walu … imil ktegh d immy, yan wass tiwy assen tirmet ar ass tini: “ kkk…. kkk… kkk …”. ula nki nigh ass zund rikan, uren ukan imatel, yackid.

Ar dagh swingimegh gh ufuluss, max ligh ass nigh ackid ur ak immussi, ligh ass nigh “ kkk… kkk… kkk…” yuckad, surigh d ahemma* n tghawssiwin, yat gizent, lxleq li jajuegh, surigh d ula mass inna “ Rad tsutulet, ard trmit AWAL ka atga loqet”.

Ayg lhal izd kra gh illa ruh ittaf awal nss, ula kra ittafen mass dayess yaqra, ighzan unddam li innan: “ ku yan dar qran innass, nki immy ghrigh ass”.

* Acemma: agudi, tuget.

(Tigmi tumlilt, ass 23 / 09 /2010)