Yelli
Yura t: Salah Ngab (libya)
A udan ifkuted timedjin
A udan islut sis si
Mammu si wen yetvennetv af zzin
Aktu zzin in adrar yuli.
Mi dis am nyyat s tsilatin
Tedsva temmari af yemmi.
Di tawtra nnes tamurt itter oamin
S ujenna in tetvawin inni.
Aderghal aster s amesli tetvawin
D af udem temsekel tafya n taziri
Taghuri nnu tmazeght, taghuri n tmazeghin
Tugurya nnes mammek yemlu rebbi.
Maren lesm nnes sis tsisawin
Temmal in tikliwin tijedjiwin sekli.
Atutla ad sussemnet tibucilin
Di islanet ittsestnun, telle mani?
A udan islut sis si tawalin
A udan islut, tupa yelli.