timyurin1
Yaru t: hassan aaba
timyurin inu urad nezzant ur ad tent nessgh
ur ad tent reddelgh i wada ad k innan ira tent
ikkad wul inu taghenjawt sul ur ad k immut
ayuten gh ugemmadan iwurrid ukan
a tmyurin wala bud ad kent yasi yan
tellamt i f umeggerd ad kent ukan asigh
tellamt gh tmelhaft d tzerziyet tilimt gh idukn
tellamt gh ughrab d ugadir ula kiyyin alucam
ula izeker ad n tadut ula tamerkat
ula igemmayen aggugnin ajarif ad gh llan
timyurin nusi ten d tasutin ad utent
a yahwac ad gh mnagguren isan ad s isen
timyurin urunt tiyyad nehbu tent ukan
meklli tent ad k reban willi ad gh ugernin
azend willi ad gh tend dagh iflen nasi tent
timyurin ur aysent neggar ur ad tent neffal
iwada tent ad k izenzan s watig isugren
nekki beoda nusi d idagh tellam ayaman
urt nfel ur isent negir fad ad sent amugh
atusi tent tasa d idamen inu segren
ayusi tent kullu wak igenzi ula timlsit
usint dagh awal ad d negh yasi tent uzinnar
irbu tent ujellabiy ula yak amelhaf
a tikdifin ad gh tent n seggil ukan nasi tent
idqqi ghemkan iga ula netta ma ttasi t
ula lhenna gh idvudvan tarcumin as llan
timyurin urad nezzant ur ad tent nessagh
ula da tent reddelgh i wadak innan ira tent
(tamdyazt n hassan aaba -idlis nes - timyurin n tsgar, aabahassan@yahoo.fr )