A Abehri,

Mani g nn tellit ?

Tmmutit,

Ur yad ad c ttannayex.

Azagharfar, ar itteqqel,

Almu ughzif, ar as tteqqisen.

Idda Ubehri,

Ur yad iqqim d idun.

Awal, tadvsva, taqerfiyt nnes,

Ur yad awen llin.

Macenn, Abehri inna awen:

Tudert ad akkw timim;

Ur iri, ussan ad awen rezvigen.

Kteyat aryaz,

Ikkan amm wayyur,

Tallest de yi++++dv, irzva ax ten.

Amar amazigh, adday sawalen,

Taselmya tsella ge ufus ne mma nnes.

Awd imghizen, nna ur anex irin,

Tatêfi as da ten ikkat.

Igellin, tafekka akkw tedrus,

Ighenca ikka as ed attayen.

Ar tteddut,

Advarv xef wacal fessusen.

Mutcu, idrus akkw netta,

Amuyd ayd igan winnwen.

Jeggwa nnec, da ittennegririf;

Izrvi nnec, ur akkw ax tennin.

Awal, timesdvsa,

Ad ikkes unezgum

I mayd awen itteyen.

Megharv!

Udem, se tadvsva, ifaw ku ass;

A aryaz, A tamettudvt, afeddam;

Icirran, se wuzzur, amur meqqoren.

Assa,

Ktix tesemeghort lli ne Ughbala.

Ddan ed Imazighen seg matta tanilla;

Ku yan, Abehri, ira ad yizirv.

Iriren de uhidus, idv mayd ila.

Zwaren Ayt Sgheruccen; nnan:

A Abehri, mmer as nebadv i usafar niwi t id.

Lehsen Ahinaj, dix netta,

Tayffart, ibbey as ixef,

Llig anex inna:

Ittuyara asen i uryaz ad ikcem acal.

Asisten ne uneghmas, xef Tamazight nnex?

Abehri inna as:

Lhukuma, ur tmun i ugellid de ufus.

A Imazighen,

Hât nettu, Abehri!

Ar adday nettu,

Amgharv ameqqrvan.

Nnurzex ad i yi selli,

Rix ad asen inix,

Amm Imazighen lli,

I umdyaz nna tiwey temttant:

‘Kker d, a aeddani, mgharv ac yuderf wacal’.

(Hha Oudadess, Rrebadv 2010)